Ɲanndra Mun

24 Nán ɔ ɲin blo klunwifuɛ’m be wun,

nán kunndɛ kɛ a nin be sán nun.+

 2 Afin like ng’ɔ o be awlɛn’n nun lɔ mɔ be bu i akunndan’n yɛle nzaje sa yolɛ.

Yɛ abɔlɛ yolɛ’n yɛ ɔ ti be nuan nun ndɛ-ɔ.

 3 Ngwlɛlɛ yɛ be fa kplan sua-ɔ,*+

akunndan kusu yɛ maan ɔ jran cinnjinnjin-ɔn.

 4 Sa silɛ’n yɛ maan ninnge kpakpa wafawafa kwlaa nga be yo ɲɛnmɛn’n

be yi i nun sua ba’m be piɛ-ɔ.+

 5 Sran ng’ɔ ti ngwlɛlɛfuɛ’n le kwlalɛ,+

yɛ sran kun i like ng’ɔ si i’n yɛ maan i kwlalɛ’n yo dan-ɔn.

 6 Nian ajalɛ klanman* nga be kleli wɔ’n su naan w’a

kun alɛ.+

Kɛ afɔtuɛ manfuɛ’m be sɔnnin’n, be ɲan jranwlɛ.*+

 7 Ngwlɛlɛ’n i kpafuɛ’n tra sinnglinfuɛ’n i kpɛn.+

Klɔ’n i anuan’n nun lɔ’n, ɔ ɲanman ndɛ kanman.

 8 Sran ng’ɔ gugu kɛ ɔ́ yó sa tɛ’n,

bé flɛ́ i kɛ gblɛ kpɛfuɛ’m be ti’n.+

 9 Sinnglinfuɛ’n i klun akunndan’n fɛ i yi sa tɛ’n nun.

Yɛ sran’m be ɲin ci sran finfin yofuɛ’n.+

10 Cɛn nga ɲrɛnnɛn tɔ ɔ su’n,* sɛ ɔ sa sin bubu wɔ’n,

a su ɲanman fanngan kpa kun.

11 Be nga be su kɔ be kunlɛ’n, de be,

yo maan be nga be su wa kun be’n, be fite nun.+

12 ?Sɛ a se kɛ: “E siman sɔ-o,”

sran ng’ɔ nian sran’m be awlɛn’n nun’n,* ɔ wunman akunndan nga a bu’n i wlɛ?+

Nanwlɛ, Sran nga i ɲin ta wɔ’n, ɔ́ sí nun,

yɛ like nga sran kun yoli’n, i su yɛ ɔ́ nían ɔ́ tánnin i kalɛ-ɔ.+

13 Min wa, tafi awɛma nzue’n, afin ɔ ti kpa.

Awɛma nzue ng’ɔ sonji’n, ɔ yo fɛ kpa.

14 I wafa kunngba’n, wun i

wlɛ kɛ ngwlɛlɛ’n ti kpa man wɔ.+

Sɛ a si ngwlɛlɛ’n, ɔ ɲrun lɔ’n yó kpa,

yɛ like nga a lafi su’n ɔ su nunnunman.+

15 Nán fa akunndan tɛ kó bú sá sran ng’ɔ yo sa i nuan su’n i sua’n i wun lɛ.

Nán saci lika ng’ɔ lo wunmiɛn lɛ’n.

16 Afin sran ng’ɔ yo sa i nuan su’n kwla fin ase kpɛ nso, sanngɛ ɔ́ jáso ekun,+

sanngɛ klunwifuɛ’n i liɛ’n, sa yalɛ’n ti’n ɔ́ tɔ́.+

17 Kɛ ɔ kpɔfuɛ’n tɔ’n, nán di su aklunjɔɛ,

yɛ kɛ i ja’n kpla’n, nán maan ɔ klun jɔ.+

18 Ɔ timɛn i ti’n, Zoova wún i yɛ i sɔ’n su yomɛn i fɛ,

yɛ ɔ su fɛmɛn i* wun ya kun.+

19 Nán maan ɔ awlɛn’n be ɔ klun sa tɛ yofuɛ’m be ti.

Nán ɔ ɲin blo klunwifuɛ’m be wun.

20 Afin agualiɛ’n su guaman sa tɛ yofuɛ’m be kpa.+

Klunwifuɛ’m be kannin’n ɔ́ núan.+

21 Min wa, sro Zoova nin famiɛn’n.+

Yɛ nán a nin ɲin keklefuɛ’m* be san nun.+

22 Afin ɲrɛnnɛn’n tɔ́ be su kpɛ kunngba.+

?Sa nga be nɲɔn’n* bé fá yó be’n, wan yɛ ɔ si nun-ɔn?+

23 Ngwlɛlɛfuɛ’m be ndɛ’n i wie yɛ:

Ndɛ kwlɛ dilɛ’n timan kpa.+

24 Sran ng’ɔ se klunwifuɛ’n kɛ: “A ti sran kpa’n,”+

nvlefuɛ’m bé bó i sannzan yɛ nvlenvle’m bé bú i fɔ.

25 Sanngɛ be nga be ijɔ i’n, be liɛ yó ye.+

Muae nga bé wá ɲɛ́n i’n, be kanman.+

26 Sran ng’ɔ́ tɛ́ ndɛ su-ɔ, ɔ di nanwlɛ’n, sran’m bé fá be nuan’n bó i nuan

liɛ’n su.*+

27 Siesie junman ng’ɔ fata kɛ a di i gua su lɔ’n, yɛ di ɔ fie su lɔ junman’m be kwlaa.

I sin’n, kplan ɔ sua’n.*

28 Nán di ɔ wiengu i wun lalo sa ngbɛn.+

Nán fa ɔ nuan’n laka ɔ wiengu mun.+

29 Nán se kɛ: “Like ng’ɔ fa yoli min’n, yɛ ń fá yó i wie-ɔ.

Like ng’ɔ yoli’n,

ń yí mɛ́n i.”*+

30 N sinnin fuɛnfuɛ’n i fie’n i wun lɛ,+

n sinnin sran nga ngwlɛlɛ’n timɛn i’n* i viɲin fie’n i wun lɛ.

31 N wunnin kɛ ijre’n w’a di fie wunmuan’n.

Ijre tɛ wie fali lika wunmuan’n,

yɛ talɛ ng’ɔ fali yɔbuɛ yoli m’ɔ fa sisili i fie’n i wun’n ɔ bubuli.+

32 N niannin sa sɔ’n, yɛ n buli i akunndan.

N wunnin i, yɛ afɔtuɛ nga i sɔ’n man min’n yɛ:*

33 Ɔ li lafi kan, ɔ li bu ɔ ɲinma kan,

ɔ li to ɔ sa’n bla nun naan lo wunmiɛn,

34 yalɛ’n kusu fú ɔ nun kɛ awiefuɛ wie sa,

yalɛ’n fú ɔ nun kɛ kodiawiefuɛ sa.+