Zɔbu

37 “Kɛ ɔ yo sɔ’n, min awlɛn’n si kekle kpa

yɛ ɔ wanndi min klun.

 2 Amun sie amun su kpa be tie Ɲanmiɛn i nɛn m’ɔ klu’n

ɔ nin i nɛn m’ɔ tɛ kɛ ɲanmiɛn’n su kpan kplannankplannan’n sa’n.

 3 Ɔ mɛn i atin naan w’a ɔ ɲanmiɛn m’ɔ la nglo lɔ plaii’n i bo,

ɔ se ɲanmiɛn m’ɔ kpa sin piapia’n+ kɛ ɔ wɔ asiɛ’n i tiwatiwa’m be su lɔ.

 4 I sin’n, be ti i klulɛ’n i ngan.

Kpanlɛ ng’ɔ kpan kplannankplannan’n, ɔ yo ɲɛnmɛn dan,+

kɛ bé tí i nɛn’n, nn ɲanmiɛn’n kpá sin.

 5 Wafa nga Ɲanmiɛn i nɛn’n tɛ kplannankplannan’n,+ ɔ yo ɲɛnmɛn dan.

Sa dandan ng’ɔ yo be’n, be tra e akunndan’n su.+

 6 Afin ɔ se laglasi m’ɔ fin nglo lɔ gua munkɛnmunkɛn’n kɛ: ‘Gua

asiɛ’n su,’+

yɛ ɔ se nzue’n kɛ: ‘Tɔ dan kpa asiɛ’n su.’+

 7 Ɲanmiɛn jran klɔ sran’m be junman’n kwlaa.*

I liɛ’n, klɔ sran’m bé sí Ɲanmiɛn i sa nuan ninnge mun.

 8 Blo nnɛn’m be kɔ be fiawlɛ’m be nun,

kpɛkun be ka be kunman’m be nun.

 9 Aunmuan dan’n fin i sua ba’n nun lɔ fita kpa,+

aunmuan nga be fin nglo lɔ’n, be fa ayrɛ’n ba.+

10 Kɛ Ɲanmiɛn lo wunmiɛn sa’n, ɔ kaci laglasi,+

kpɛkun nzue dandan’m be kete kɛ laglasi sa.+

11 Ɔ yo maan nzue jran ɲanmiɛn ble’n nun.

Ɔ yo maan kɛ ɲanmiɛn’n kpa sin piapia’n+ ɔ bo sanndi ɲanmiɛn ble’n nun.

12 Be kpɛ be wun be kɔ lika ng’ɔ kle be’n.

Like kwlaa ng’ɔ se be kɛ be ko yo+ i asiɛ wunmuan’n su’n, be yo.

13 Ɔ yo sɔ fa tu sran’m be fɔ,*+ annzɛ ɔ fa yo asiɛ’n i ye,

annzɛ ɔ fa yi i sran klolɛ m’ɔ wieman le’n i nglo.+

14 Zɔbu, sie ɔ su.

Jran diin naan fa ɔ ɲin sie i Ɲanmiɛn i abonuan sa’m be su kpa.+

15 ?A si wafa nga Ɲanmiɛn kle ɲanmiɛn ble mun like ng’ɔ fata kɛ be yo’n?

?A si wafa ng’ɔ yo mɔ ɲanmiɛn ble’n kpa sin piapia’n?

16 ?A si wafa ng’ɔ yo mɔ ɲanmiɛn ble’m be sendesende nglo lɔ’n?+

Abonuan sa nga Sran ng’ɔ si like kwlaa kpan’n ɔ yo be’n yɛ be o lɛ-ɔ.+

17 ?Kɛ aunmuan ng’ɔ fin ngua lɔ lika’n nun fita mɔ asiɛ’n tɔ kouun’n,

ngue ti yɛ ɔ tralɛ’n lo-ɔ?+

18 ?A nin i be kwla trɛtrɛ ɲanmiɛn m’ɔ la nglo lɔ plaii’n nun+

naan ɔ yo kekleke kɛ niannun nga blalɛ yɛ

be fa yoli’n sa?

19 Kle e ndɛ ng’ɔ fata kɛ e kan kle i’n.

E kwlá tɛman su afin e o

aosin’n nun.

20 ?Ɔ fata kɛ be se i kɛ n klo kɛ ń kán ndɛ?

?Annzɛ sran kun kannin ndɛ wie m’ɔ fata kɛ be kan kle i-ɔ?+

21 Kannzɛ lika’n kpaja* ɲanmiɛn su lɔ’n,

be kwlá wunmɛn i,

Saan aunmuan kun w’a fita, kpɛkun w’a kpalo ɲanmiɛn ble mun w’a wɔ.

22 Aɲrunɲan ng’ɔ bo mianmian kɛ sika ɔkwlɛ sa’n fin nglo lɔ lika’n nun ba.

Ɲanmiɛn i aɲrunɲan’n+ yo sro dan.

23 Sran m’ɔ Kwla Like Kwlaa Yo’n i ajalɛ’m be wlɛ wunlɛ tra klɔ sran’m be kpɛn.+

I tinmin’n cɛnnin,+

i sa nuan su sɛsɛ yolɛ’n+ nin sa kpa kpanngban ng’ɔ yo be’n,+ ɔ seman le kɛ ɔ yoman be kun.

24 I sɔ’n ti’n, ɔ fata kɛ sran’m be sro i.+

Afin ɔ buman be nga be waan be si ngwlɛlɛ’n* be kpa traman sran onga mun.”+