1 Samiɛli

21 I sin’n, Davidi ɔli Nɔbu+ lɔ naan w’a ko to Aimelɛki m’ɔ ti Ɲanmiɛn ɲrun jranfuɛ’n. Kɛ Aimelɛki wunnin i’n, srɛ m’ɔ kunnin i’n ti’n, ɔ usuli. Kpɛkun ɔ usɛli i kɛ: “?Ngue ti yɛ ɔ kunngba cenje yɛ a ba mɔ sran fi suman ɔ su-ɔ?”+ 2 Yɛ Davidi tɛli Aimelɛki m’ɔ ti Ɲanmiɛn ɲrun jranfuɛ’n su kɛ: “Famiɛn’n mannin min junman wie kɛ n di. Sanngɛ ɔ seli kɛ: ‘Junman nga m’an fa wla ɔ sa nun kɛ a ko di i yɛ’n, ɔ nin ndɛ kwlaa nga m’an kan kle wɔ’n, nán maan sran fi ti nun.’ I sɔ’n ti’n, e nin min gbanflɛn mun e tili e wun aniɛn kɛ é yía lika wie. 3 Sɛ kpanwun nnun o ɔ sa nun lɛ’n, annzɛ like uflɛ o lɛ’n, fa man min.” 4 Sanngɛ Ɲanmiɛn ɲrun jranfuɛ’n tɛli Davidi su kɛ: “Kpanwun nga sran ngba kwla di’n i wie nunman lɛ. Kpanwun nga be fa sie i Ɲanmiɛn ɲrun’n+ yɛ ɔ o lɛ-ɔ. Sanngɛ sɛ ɔ gbanflɛn’m be nin bla b’a laman’n be kwla di.”+ 5 Yɛ Davidi tɛli i su kɛ: “Titi’n, kɛ n fite mɔ e kɔ alɛ kunlɛ’n, e nun wie fi nin bla laman.+ Kɛ be sunman e kɛ e ko di junman wie bɔbɔ’n, fiɛn kanman min gbanflɛn mun. Ɔ maan nán andɛ cɛn m’ɔ ti i liɛ ngunmin’n i nun yɛ be su yoman sanwun-ɔn.” 6 Kɛ ɔ yoli sɔ’n, Ɲanmiɛn ɲrun jranfuɛ’n fali kpanwun nga be fa man Ɲanmiɛn’n mɛnnin i.+ Afin sɛ w’a yoman kɛ kpanwun sɔ’n sa’n, uflɛ nunman lɛ. Be yili kpanwun sɔ’n Zoova ɲrun lɛ cɛn sɔ’n nun, yɛ be fali nga b’a tɔn i uflɛuflɛ’n be sieli i osu.

7 Kɛ ɔ́ yó sɔ’n, nn Saili i junman difuɛ kun o lɛ wie. Be flɛ i kɛ Doɛgi,+ ɔ ti Edɔmunfuɛ.+ Saili i bua sunianfuɛ’m be su kpɛn-ɔn. Be fɛ i jrannin* Zoova i ɲrun lɛ.

8 I sin’n, Davidi seli Aimelɛki kɛ: “?A le cua annzɛ tokofi kun wa? Kɛ mɔ famiɛn’n waan n wɔ trɛlɛlɛ n ko di i junman’n ti’n, m’an kwlá faman min tokofi’n nin min alɛ ninnge mun.” 9 Yɛ Ɲanmiɛn ɲrun jranfuɛ’n seli kɛ: “Goliati m’ɔ ti Filistifuɛ mɔ a kunnin i Ela Kongo’n+ nun lɔ’n, i tokofi’n wo wa.+ Ɔ o efɔdu’n+ i sin lɛ. Be fali tannin kun cicili i wun. Sɛ ɔ waan á fá’n, a kwla fa. Afin like ng’ɔ o wa’n i ngba yɛ ɔ o lɛ-ɔ.” Davidi seli kɛ: “Ɔ lemɛn i wunsu. Fa man min.”

12 Davidi buli ndɛ sɔ’m be akunndan kpa. Ɔ maan srɛ wa kunnin i dan kpa+ Akisi m’ɔ ti Gati famiɛn’n i wun. 13 I sɔ’n ti’n, sran’m be ɲrun lɛ’n, ɔ yoli kɛ i ti nun w’a sanngan sa.+ Ɔ yoli i wun kɛ fiaunfuɛ sa sran’m be afiɛn lɛ.* Ɔ klɛklɛli klɔ’n i anuan’m be su, kpɛkun ɔ yacili i nuan nzue’n nun ɔ guɛ i akanza’n nun. 14 Yɛ Akisi seli i sufuɛ’m be kɛ: “Amun bɔbɔ amun wun kɛ bian ngalɛ’n kpɛnman su. ?Yɛ ngue ti yɛ amun fɛ i blɛ min-ɔn? 15 ?N di fiaunfuɛ’m be yalɛ wa ti yɛ amun ko kukuli bian sɔ m’ɔ kpɛnman su’n blɛli min-ɔn? ?Sran kɛ ngalɛ’n sa’n, ɔ fata kɛ ɔ wlu min sua’n nun?”