ABDIASI
1 Aolia nun like nga Abdiasi* wunnin i’n yɛ:
Ndɛ nga e Min Zoova m’ɔ Sie Like Kwlakwla’n kɛn i Edɔmun i lika’n yɛ:+
“E tili ndɛ kun m’ɔ Zoova kannin’n,
be sunmannin sran kun nvlenvle’m be nun naan ɔ ko se kɛ:
‘Amun jaso, maan e buabua e wun naan e nin Edɔmun e ko kun.’”+
2 “Nian! N yoli maan a leman ɲrun nvlenvle’m be nun kun,
be yo ɔ finfin dan.+
3 Ɔ wun tulɛ’n w’a laka wɔ,+
wɔ mɔ a tran yɔbuɛ buɛ’m be nun’n,
mɔ a tran nglo lɔ’n, a se ɔ klun lɔ kɛ:
‘?Wan yɛ ɔ́ fá min jrá asiɛ wun lɔ-ɔ?’
4 Kannzɛ a ko tran nglo lɔ* kɛ anunman ɲin sa’n,
annzɛ a ko yo ɔ sua’n nzraama’m be afiɛn lɔ’n,
ń kó fá ɔ lɔ ń jrá,” ndɛ nga Zoova kan’n yɛ ɔ o lɛ-ɔ.
5 “?Sɛ awiefuɛ’m be to ɔ lɔ’n, sɛ be nga be fɛn sran’m be bo ninnge mun’n, be wlu ɔ sin kɔnguɛ’n,
nán like nga be klo’n i ngunmin yɛ bé wúa-ɔ?
?Annzɛ kusu sɛ viɲin tifuɛ’m be to ɔ lɔ’n,
be su yaciman viɲin mma kunngun lɛ?+
Nanwlɛ, ɔ sacilɛ’n wá yó dan!*
6 Be nianniannin Ezau nun kpa!
Be kunndɛli i ninnge kpakpa ng’ɔ fa be fiali’n lika kwlaa nun.
7 Be fuannin wɔ ko sieli ɔ awɛ’n su lɔ.
Be nga a nin be tra aenguɛ’n be lakali wɔ.
Be nga be nin wɔ tran fɔun’n be ɲannin kwlalɛ ɔ su,
be nga be nin wɔ di kpanwun’n, bé fá tɛ* bé síe ɔ bo,
sanngɛ a su siemɛn i nzɔliɛ.
8 ?Cɛn sɔ’n nun’n, n su nunnunman ngwlɛlɛfuɛ mun Edɔmun mɛn’n nun?+
?Yɛ n su nunnunman sa wlɛ wunlɛ’n Ezau i okaoka lika’m be nun?”
Ndɛ nga Zoova kan’n yɛ ɔ o lɛ-ɔ.
9 “Ee Teman,+ srɛ wá kún ɔ sonja mun dan kpa,+
afin bé wá kún be kwlaa nga be o Ezau i okaoka lika’m be nun’n be tɛtɛ kpa.+
11 Cɛn nga a jrannin bue kun lɔ mɔ w’a yoman like fi’n,
cɛn nga aofuɛ’m be trɛli i sonja mun ɔli’n,+
mɔ aofuɛ’m be wluli i anuan’n nun mɔ be tuli Zerizalɛmun klɔ’n i wun fɔtɔ’n,+
a yoli kɛ be sa wie.
12 Ɔ fataman kɛ sa ng’ɔ ju ɔ niaan bian’n i su i ɲrɛnnɛn blɛ nun’n ti’n ɔ klun jɔ,+
Zidafuɛ’m be nunnunlɛ cɛn’n nun’n, ɔ fataman kɛ ɔ klun jɔ,+
yɛ ɔ fataman kɛ a di ɔ nuan be ɲrɛnnɛn blɛ’n nun.
13 Ɔ fataman kɛ a wlu min nvlefuɛ’m be klɔ’n* nun blɛ mɔ be o ɲrɛnnɛn nun’n i nun.+
Blɛ m’ɔ o ɲrɛnnɛn nun’n, ɔ fataman kɛ sa ng’ɔ o i su’n ti’n, ɔ klun jɔ.
Yɛ ɔ fataman kɛ a fa ɔ sa sie i i aɲanbeun ninnge’m be su i ɲrɛnnɛn blɛ’n nun.+
14 Ɔ fataman kɛ a jran anngɔnda’m be su naan a kun be nga be su wanndi’n,+
yɛ ɲrɛnnɛn blɛ’n nun’n, ɔ fataman kɛ a yi be nga be kali nguan nun’n man.+
15 Afin cɛn nga Zoova wá jáso nvlenvle’m be kwlaa be wun’n w’a mantan koko.+
Like nga a yoli’n, i kunngba’n yɛ bé fá yó wɔ-ɔ,+
like nga a fa yoli ɔ wiengu mun’n, ɔ́ káci tɔ́ ɔ bɔbɔ su.
16 Afin kɛ nga a fa nɔnnin nzan oka m’ɔ ti min liɛ klonglo’n su lɔ’n sa’n,
nvlenvle’m be kwlaa bé nɔ́n nzan titi.+
Bé nɔ́n, kpɛkun ɔ́ gúa be klun lɔ,
yɛ be osu núnnún mlɔnmlɔn kɛ be nunman lɛ laa sa.
17 Sanngɛ be nga bé fín nun fíte’n, bé trán Siɔn Oka’n su,+
yɛ ɔ́ yó sanwun,+
kpɛkun Zakɔbu i awlo’n ɔ́ fá ninnge nga be ti i liɛ’n.+
18 Zakɔbu i awlo’n ɔ́ káci kɛ sin sa,
Zozɛfu i awlo’n ɔ́ káci kɛ sin taaman sa,
yɛ Ezau i awlo’n ɔ́ káci kɛ ijre kee sa.
Bé wɔ́ be nun yɛ bé yrá,
Ezau i awlo’n nun sran fi su kaman nguan nun,+
afin Zoova bɔbɔ yɛ ɔ kannin sɔ-ɔ.
19 Bé wá fá Negɛbu nin Ezau i okaoka lika mun,+
ɔ nin Sefela nin Filistifuɛ’m+ be mɛn’n.
Bé wá fá Efraimun i fie’n nin Samari i fie’n,+
yɛ Bɛnzamɛn wá fá Galaadi.
20 Kɛ ɔ fɛ i Kanaan lele m’ɔ́ fá jú Sarɛpta’n,+ ɔ́ yó Izraɛlifuɛ’m be liɛ,
ɔ́ yó talɛ ng’ɔ o yɛ’n i fuɛ mɔ be trali be ɔli’n be liɛ,+
yɛ Zerizalɛmunfuɛ nga be trali be ɔli mɔ be tran Sefaradi’n, Negɛbu klɔ’m bé yó be liɛ.+
21 Yɛ defuɛ’m bé fú Siɔn Oka’n su lɔ,
bé dí Ezau i okaoka lika’m be jɔlɛ,+
yɛ famiɛn dilɛ’n káci Zoova liɛ.”+
I bo’n yɛ: “Zoova i sufuɛ.”
Be kwla se ekun kɛ “a tu kɔ nglo.”
Be kwla se ekun kɛ “bé núnnnún be dan.”
Annzɛ “lala.”
Ebr., “anuan’n.”