Yalɛ klelɛ
?Sɛ be kle Klisifuɛ’m be yalɛ’n, ngue ti yɛ ɔ fataman kɛ i sɔ’n bo be nuan-ɔn?
?Kɛ be kle e yalɛ’n, ngue ti yɛ ɔ fata kɛ e kpɛ e ɲin Zoova wun lɔ-ɔ?
Ju 55:22; 2Ko 12:9, 10; 2Ti 4:16-18; Ebr 13:6
Biblu’n nun ndɛ mɔ be kwla uka e’n:
1Fa 19:1-18—Kɛ bé klé Ɲanmiɛn nuan ijɔfuɛ Eli i yalɛ’n, ɔ kɛnnin i klun ndɛ kwlaa kleli Zoova. I ti’n, Zoova fɔnvɔli i yɛ ɔ wlɛli i fanngan.
Yol 7:9-15—Zozɛfu i niaan’m be kleli i yalɛ sanngɛ Zoova w’a kpɔcimɛn i le. Ɔ deli i yɛ ɔ sinnin i lika deli i osufuɛ mun.
?Wafa sɛ yɛ be kwla kle e yalɛ-ɔ?
Be kwla kpɛ e nzowa
2Ɲo 36:16; Mat 5:11; Yol 19:9; 1Pi 4:4
Biblu’n nun ndɛ mɔ be kwla uka e’n:
2Fa 18:17-35—Rabusake’n m’ɔ ti Asiri famiɛn’n i nuan ijɔfuɛ’n, ɔ kpɛli Zoova i nzowa yɛ ɔ yoli Zerizalɛmunfuɛ’m be finfin.
Lik 22:63-65; 23:35-37—Kɛ Zezi i kpɔfuɛ’m be trɛli i’n, be kpɛli i nzowa yɛ be srili i. Kɛ be boboli i waka’n su kusu’n be yoli i sɔ wie.
E osufuɛ’m be kwla tanndan e ɲrun
Be kwla tra e yɛ be kwla fa e kɔ awa i janunfuɛ’m be ja su
Be kwla bo e
Sran akpasua wie kwla tɔ e su
Be kwla kun e
?Sɛ be kle e yalɛ’n ngue yɛ ɔ fata kɛ e yo-ɔ?
Mat 5:44; Yol 16:25; 1Ko 4:12, 13; 1Pi 2:23
Biblu’n nun ndɛ mɔ be kwla uka e’n:
Yol 7:57–8:1—Kɛ bé fínfín Etiɛnin i yɔbuɛ m’ɔ ka kan ɔ́ wú’n, ɔ srɛli Ɲanmiɛn kɛ ɔ si i kpɔfuɛ sɔ’m be aunnvɔɛ. Sɔlu m’ɔ fin Tasi’n wo be nun wie.
Yol 16:22-34—Kannzɛ be boli akoto Pɔlu naan be boli i kpanwun’n, sanngɛ ɔ yoli bisua sunianfuɛ’n i ye. Ɔ maan bian’n nin i awlofuɛ’m be ngba be kacili Klisifuɛ.
?Sa benin yɛ ɔ juli Klisifuɛ klikli’n be nun wie’m be su-ɔ?
?Wafa sɛ yɛ ɔ fata kɛ e bu yalɛ nga be kle e’n niɔn?
?Sɛ be kle e yalɛ’n, wafa sɛ yɛ like nga e wla o su’n kwla uka e-ɔ?
?Kɛ bé klé e yalɛ’n, ngue ti yɛ ɔ fataman kɛ ɲannzuɛn annzɛ srɛ kun e annzɛ kusu e sa sin bubu e-ɔ? ?Yɛ ngue ti yɛ ɔ fataman kɛ e yaci Zoova i sulɛ-ɔ?
Ju 56:1-4; Yol 4:18-20; 2Ti 1:8, 12
Biblu’n nun ndɛ mɔ be kwla uka e’n:
2Ɲo 32:1-22—Kɛ Famiɛn Sankeribu kunndɛli kɛ ɔ́ útu Zerizalɛmun klɔ’n, Famiɛn Ezekiasi lafili Zoova su yɛ ɔ wlɛli i nvlefuɛ’m be fanngan. I sɔ’n ti’n, Zoova yrɛli i su dan.
Ebr 12:1-3—Zezi i kpɔfuɛ’m be kunndɛli kɛ bé gúɛ i ɲin ase. Sanngɛ Zezi w’a yaciman be lɛ naan be bubu i sa sin.
?Kɛ be kle e yalɛ’n, wafa sɛ yɛ i bo’n kwla gua-ɔ?
Kɛ e jran kekle’n, i sɔ’n jɔ Zoova klun yɛ ɔ mɛnmɛn i dunman’n
Biblu’n nun ndɛ mɔ be kwla uka e’n:
Zɔb 1:6-22; 2:1-10—Kannzɛ Zɔbu siman kɛ Satan ti yɛ ɔ wun ɲrɛnnɛn’n, sanngɛ w’a kacimɛn i sin w’a siman Zoova le. I lɛ nun’n, ɔ manmannin Ɲanmiɛn yɛ ɔ kleli kɛ Satan ti ato buafuɛ.
Dan 1:6, 7; 3:8-30—Anania nin Misaɛli nin Azaria (yɛle kɛ Sadraki, Mesaki nin Abɛdnego) be seli kɛ sɛ be kun be bɔbɔ’n ɔ flunman tra kɛ be kpɔci Zoova’n. I sɔ’n ti’n, Famiɛn Nebikadnezaa manmannin Zoova, sran’m be kwlaa be ɲrun lɛ.
Yalɛ klelɛ’n kwla yo maan jasin fɛ’n tru
Biblu’n nun ndɛ mɔ be kwla uka e’n:
Yol 11:19-21—Kannzɛ be kleli Klisifuɛ’m be yalɛ kpa’n, sanngɛ be boli jasin fɛ’n truli i lika kwlaa.
Fip 1:12, 13—Akoto Pɔlu i klun jɔli kpa afin bisua mɔ be wlɛli i’n ti’n, jasin fɛ’n ɔli i ɲrun.
Kɛ be kle e yalɛ mɔ e jran kekle’n, i sɔ’n kwla wla e niaan Klisifuɛ’m be fanngan
?Ɲanmiɛn sulɛ wafa’m be su kpɛn mun nin politikifuɛ’m be yo maan sran’m be kle e yalɛ wie?
Zer 26:11; Mar 3:6; Zan 11:47, 48, 53; Yol 25:1-3
Biblu’n nun ndɛ mɔ be kwla uka e’n:
Yol 19:24-29—Efɛzi lɔ’n, be nga be yo Atemisi i sua kanngan’m be yo be atɛ’n, be sieli i nzɔliɛ kɛ jasin nga Klisifuɛ’m be bo’n ti’n, sran’m be toman be ninnge mun kun. I sɔ’n ti’n, be wa kleli Klisifuɛ’m be yalɛ.
Gal 1:13, 14—Ka naan Pɔlu (Sɔlu) w’a kaci Klisifuɛ’n, ɔ fa ndɛ nga Zifu’m be Ɲanmiɛn sulɛ wafa’n be su kpɛn’m be kan’n su. I sɔ’n ti’n, ɔ kleli Klisifuɛ’m be yalɛ tɛtɛ kpa.