Sran mɔ be bu i kpa tra wie’n
?Sran kun i wunnɛn kplo’n annzɛ osu ng’ɔ fin nun’n annzɛ kusu sika m’ɔ le i’n, i ti yɛ Ɲanmiɛn bú i kpa trá wie mun-ɔn?
Yol 17:26, 27; Rɔm 3:23-27; Gal 2:6; 3:28
Biblu’n nun ndɛ mɔ be kwla uka e’n:
Zan 8:31-40—Zifu wie’m be dili be nuan kɛ Abraamun ti be nannan. Sanngɛ Zezi tuli be fɔ, afin be yoman kɛ Abraamun sa mlɔnmlɔn.
?Sɛ e buman be nga be wunnɛn kplo’n annzɛ be finwlɛ’n nin e liɛ’n timan kun’n be sran’n, i sɔ’n ti kpa?
Biblu’n nun ndɛ mɔ be kwla uka e’n:
Zon 4:1-11—Zoova trɛli i awlɛn kleli i nuan ijɔfuɛ Zonasi kɛ ɔ fata kɛ ɔ si Ninivufuɛ mɔ be ti nvle uflɛ nunfuɛ’n be aunnvɔɛ.
Yol 10:1-8, 24-29, 34, 35—Akoto Piɛli wunnin i wlɛ kɛ ɔ fataman kɛ ɔ bu be nga be timan Zifu’n be kɛ be ti fiɛn. Ɔ maan ɔ ukali Kɔɔnɛyi nin i awlofuɛ’m be kwlaa naan b’a kaci Klisifuɛ. Be yɛ be ti sran klikli nga b’a wlaman be klɛn mɔ be kacili Klisifuɛ’n niɔn.
?Ɔ fata kɛ Klisifuɛ nga be le sika’n be bu i kɛ be ti kpa tra be wiengu mun?
Nian Mml 8:12-14; Zer 9:23, 24 be nun wie.
?Sɛ e di junman cinnjin kun asɔnun’n nun’n, i sɔ’n kle kɛ e ti kpa tra e wiengu mun naan e nin be e kwla tran kɛ sran kun nin i kanga sa?
Biblu’n nun ndɛ mɔ be kwla uka e’n:
Mml 17:18-20—Zoova seli kɛ ɔ fataman kɛ Izraɛli lɔ famiɛn’m be yo be wun kpakpa nvlefuɛ’m be su, afin Ɲanmiɛn ɲrun’n be kwlaa be ti niaan.
Mar 10:35-45—Kpɛ sunman’n, Zezi i akoto’m be kunndɛli kɛ bé sí sran ng’ɔ ti be nun sran dan’n. Sanngɛ Zezi tuli be fɔ. (Nian Mar 10:42 i su ndɛ ng’ɔ o blɔfuɛ’n nun like suanlɛ Biblu’n nun’n, i nun wie: “les dominent”)
?Ngue su yɛ Ɲanmiɛn jran naan w’a se kɛ i klun jɔ sran kun wun-ɔn?
?Be nga be jaso mɛn siefuɛ’m be wun naan ninnge’m be kaci’n, ɔ fata kɛ Klisifuɛ’m be suan be bo?
Biblu’n nun ndɛ mɔ be kwla uka e’n:
Zan 6:14, 15—Sran’m be kunndɛli kɛ Zezi kaci be su famiɛn naan ɔ yo naan be ɲan be ti. Sanngɛ Zezi w’a kplinman su.