Like ng’ɔ klɛ fluwa’n nun’n

Zoova kɛnnin i klun ndɛ kleli i sufuɛ mun aniɛn fanunfanun be nun. Ɔ yoli i sɔ afuɛ kpanngban. Like suanlɛ nga’m bé wá klé kɛ, kannzɛ sran’m be kan aniɛn wafawafa’n, sanngɛ i sɔ’n kleman Ɲanmiɛn i yalɛ kaan sa. Asa ekun’n, é wún kɛ Biblu Traduction du monde nouveau nga be yili i afuɛ 2013 nun’n ti’n, sran’m be bo Ɲanmiɛn i dunman fɛ, yɛ be si i klun sa.

Klɔ sran’m be kan be klun ndɛ kle be wiengu. Ɲanmiɛn yɛ ɔ yili be sɔ ɔ. Like suanlɛ nga wá fá e ɲin síe i ajalɛ nsan mɔ e kwla fa su naan e nuan nun ndɛ’n w’a yo fɛ titi’n be su. Kpɛkun, é wún kɛ sɛ e fa Zezi i ajalɛ’n su’n, e nuan nun ndɛ’n mánmán Ɲanmiɛn, yɛ ɔ́ yó e wiengu’m be ye.

Sran kwlakwla tɔ tukpacɛ. Yɛ Biblu’n kle kɛ laa’n Ɲanmiɛn yoli sran wie mɔ be tɔli tukpacɛ’n be juejue. ?Wafa sɛ yɛ ɔ fata kɛ e bu i sɔ liɛ’n niɔn? ?Sɛ e wiengu’m be kle e ayre’n, ngue yɛ ɔ fata kɛ e yo ɔ? Like suanlɛ nga wá tɛ́ kosan sɔ’m be su. Kpɛkun, ɔ́ klé e ajalɛ nga e tinuntinun e kwla fa’n.