Jasin mun

◼ Fluwa nga é fá mán sran mun Avrili nin Mɛ nun’n: Sasafuɛ Tranwlɛ’n nin Réveillez-vous ! Kɛ é kó nían be nga Ɲanmiɛn ndɛ’n lo be’n be osu’n, maan e kunndɛ kɛ é fá fluwa ?Ngue like yɛ Biblu’n kle i sakpasakpa ɔ? é mán be naan é bó be Biblu’n nun like klelɛ bo. Be nun wie mun yɛle be nga be trannin E Wla Kpɛnlɛ Cɛn Aɲia’n annzɛ e aɲia uflɛ bo mɔ sanngɛ be baman aɲia’m be bo titi’n. Zuɛn nun’n: ?Ngue like yɛ Biblu’n kle i sakpasakpa ɔ? Sɛ fluwa’n o sran nga jasin bofuɛ’m be to i’n, i sa nun laa’n, maan be fa fluwa nga be yili be laa’n mɔ be le bue 192 mɔ i nun nɲa’m b’a yo zouun’n, annzɛ fluwa nga be yili naan afuɛ nga be flɛ i 1995 w’a ju’n, be mɛn i. Zuie nun’n: Fluwa pɛplɛpɛ kwlaa nga be le bue 32 mɔ asɔnun’n le i’n.

◼ Le mɔcuɛ nga e yo nvle kun aɲia annzɛ akpasua kun aɲia annzɛ cɛn ngunmin kun aɲia nun’n, e yoman Asɔnun’n i Biblu’n nun like suanlɛ aɲia’n, nin Ɲanmiɛn junman dilɛ suklu’n ɔ nin Junman dilɛ aɲia’n. Kɛ m’ɔ ti sɔ’n, é wlá amun kwlaa amun fanngan naan like nga ɔ ti mɔ e suɛn i blɛ sɔ’n nun’n, amun tinuntinun amun suan. Amun kwla fa blɛ mɔ amun su Ɲanmiɛn awlo lɔ nnɔsua’n, be suan.

◼ Afuɛ nga be flɛ i 2010 nga nun’n, kɛ E Wla Kpɛnlɛ Cɛn’n ko sin’n, nzra nun ijɔlɛ nga é wá tíe m’ɔ ti i liɛ ngunmin kun’n, i flɛlɛ’n yɛle “?Cɛn benin ko yɛ é ɲán e ti é dí alaje ɔ?”

◼ Afuɛ’n, atin bofuɛ’m be suklu’n bó i bo Zuie i le 12 yɛ ɔ́ wíe i le 23. Bé yó suklu’n Blɔfuɛ nin Angle ɔ nin Twi aniɛn nun. I ti’n, maan atin bofuɛ mun nin akpasua su nianfuɛ’m be siesie be wun kpa.

◼ Mɛ anglo’n i cɛn ba 7-8 nun’n, be su tikeman Betɛli’n afin bé núnnún lɔ. Ɔ maan i ti’n, be su kwlá ko niannianman lɔ annzɛ asɔnun’m be su kwlá ko faman fluwa wie fi lɔ.