Jasin fɛ’n bolɛ nun ndɛ mun

Zuɛn anglo ng’ɔ sinnin lɛ nun’n, kannzɛ Benin lɔ’n nzue’n tɔli kekle kpa’n, sanngɛ lɔ jasin bofuɛ’m be dili junman klanman. Dɔ nga be dili’n, sɛ be cɛcɛ nun be tinuntinun’n, ɔ ti kɛ nn jasin bofuɛ kun dili dɔ 13 anglo sɔ’n nun sa. Periodiki nga be fa mannin’n, ɔ sɔnnin trali afuɛ sin anglo kunngba nun liɛ’n. Afin sɛ e bu afuɛ sin liɛ’n i nun nsan’n, e kwla se kɛ bue kun wa ukali su.

Mɛ anglo nun’n, jasin bofuɛ 5.450 nga be o Liberia lɔ’n, be fali periodiki 120.794 mannin sran mun. Kpɛkun be kleli sran 18.788 be Biblu’n nun like. Ɔ ti kɛ nn jasin bofuɛ kun fali dɔ 24,7 boli jasin yɛ ɔ kleli sran 3,4 be Biblu’n nun like sa. Nanwlɛ, kɛ nga e Min Zezi Klist fa kannin sa’n, nvle ngalɛ’m be nun’n, fie’m be su ninnge’m ‘b’a blo b’a ju i kpɛlɛ.’—Zan 4:35.