Jasin fɛ’n bolɛ nun ndɛ mun

Kɛ e nian junman mɔ e niaan nga be o Guinée équatoriale lɔ be dili i afuɛ sin Utu nun’n, ɔ kle kɛ be junman’n dili kpa. Afin jasin bofuɛ’m be yoli 1.451. Sɛ e fa be nuan sɔ’n sunnzun afuɛ sin be nga be bo jasin titi’n, é wún kɛ sran 174 be wa ukali su. I sɔ’n kle kɛ mɛn wunmuan’n nun’n, kɛ ‘i blɛ’n ju’n, Anannganman kɛn i wun yo’ maan jasin fɛ’n bolɛ junman’n kɔ i ɲrun.—Ezai 60:22.

Afuɛ sin’n, Mɔnnɛn Novamblu i le 14 su Cameroun lɔ’n, be fali aniaan nga be trannin suklu nga be flɛ i École de formation ministérielle be diplɔmu’n mannin be. Aniaan akpasuaakpasua nga be tran suklu sɔ’n i bo’n, i akpasua mɔcuɛ’n niɔn. Aniaan sɔ’m be nun’n, gbanflɛn’n be sɔnnin kpa. Kɛ e wun i kɛ gbanflɛn kpanngban be kɔ ninnge suanlɛ suklu sɔ’n i bo naan be sa w’a tɔ junman’n i dilɛ nun’n, nanwlɛ ɔ yo fɛ dan!