Jasin fɛ’n bolɛ nun ndɛ mun

◼ Klɔ nga be flɛ i Niger lɔ’n, jasin bofuɛ’m be junman’n dili kpa dan. Yɛle kɛ afuɛ sin Novamblu nun’n, be fali fluwa ɔ nin fluwa pɛplɛɛpɛ 2.263 be mannin sran mun. Fluwa sɔ’m mɔ be fa mannin’n, ɔ tra afuɛ 2009 i Novamblu anglo nun liɛ nga be mannin’n i kpɛ 130.

◼ Afuɛ sin, Burkina Faso lɔ’n, be yoli Nvle kun aɲia nnan. Be flɛlɛ’n yɛle “Maan e nin Zoova e afiɛn mantan titi.” Sran lele 2.555 be trannin aɲia sɔ’m be bo, yɛ be yoli sran 29 be batɛmu. Klɔ sɔ’n su’n, afuɛ kwlaa’n, be nga be tran Nvle kun aɲia bo’n, be nin a juman 2.555 le.

◼ Benin lɔ’n, Zanvie nun’n titi atin bofuɛ’m be nuan’n wa juli sran 1.082. I sɔ’n kle kɛ sɛ be fa jasin bofuɛ 100, be nun 16 tra su be ti blɛ kwlaa nun jasin fɛ’n bofuɛ.

◼ Afuɛ 2011 nun’n, Fevrie i le 13 su’n, Côte d’Ivoire wa’n, nvlenvle’m be su nianfuɛ’n ɔ wa niannin e osu. Kannzɛ klɔ’n nun ti kejewa’n, sanngɛ aniaan 3.036 be yiali Palais de la culture lɔ be manmannin Zoova aklunjuɛ nun. Aniaan nga b’a kwlá yiaman lɔ wie’n, be yiali aɲia lika fanunfanun nnun be nun. Be sran 3.405 be tieli ndɛ kunngba’n telefɔnu nun. Ɔ maan kɛ e kan be kwlaa’n e bo nun’n, sran 6.441 yɛ be tieli nvlenvle su nianfuɛ’n i nzra nun ijɔlɛ’n niɔn.