Jasin mun

◼ Fluwa nga é fá mán sran mun Sɛptamblu nin Ɔktɔblu nun’n: Sasafuɛ Tranwlɛ’n nin Réveillez-vous ! Kɛ amún kó nían sran’m be osu’n, maan amun fa fluwa Biblu’n kle annzɛ sɛ ɔ nin i fata’n, amun fa fluwa Amun tie Ɲanmiɛn ndɛ’n ɔ nin Amun tie Ɲanmiɛn ndɛ’n naan amun a ɲan nguan tititi be bo be Biblu’n nun like klelɛ bo. Novamblu nin Desamblu: An fa fluwa nɲa nga be nun kun man: Mɛn uflɛ kun nun fɔundi tranlɛ, ?Ngue yɛ Zoova i Lalofuɛ’m be lafi su ɔ?, ?Mɛn ng’ɔ o yɛ’n ɔ́ fíte nun?, Awlobo tranlɛ fɛ, Ɔ ka kaan’n, ɲrɛnnɛn kwlaa wá wíe!, ?E awlɛn su sran nga be wuli’n be liɛ’n w’a wie mlɔnmlɔn?, ?Amun kunndɛ kɛ amún sí ndɛ ng’ɔ ti nanwlɛ’n? Sɛ sran’n sɔ ndɛ’n nun klanman’n, amun fa fluwa Biblu’n kle annzɛ Amun tie Ɲanmiɛn ndɛ’n annzɛ Amun tie Ɲanmiɛn ndɛ’n naan amun a ɲan nguan tititi be bo Biblu’n nun like klelɛ bo.

◼ Afuɛ 2013 nun’n, kɛ E wla kpɛnlɛ cɛn aɲia’n ko sin’n, le mɔcuɛ ng’ɔ́ bó i bo Avrili i le 1 su’n, é wá tíe nzra nun ijɔlɛ ngunmin kun. Sɛ ɔ yo’n, e ko bo i flɛlɛ’n su e ko kle amun. Asɔnun nga akpasua sunianfuɛ’n sín be su blɛ sɔ’n nun’n, annzɛ kusu nga be le aɲia dan kun le mɔcuɛ kunngba sɔ’n nun’n, be kwla yo be liɛ’n le mɔcuɛ nga ɔ́ bɛ́ i sin’n nun. Asɔnun wie fi leman atin siesieman ijɔlɛ ngunmin kun sɔ’n ka naan Avrili i le 1 w’a ju.