‘An klo amun niaan Klistfuɛ mun’
Ndɛ sɔ m’ɔ fin Ɲanmiɛn Ndɛ’n nun, be klɛli i afuɛ akpi nɲɔn tra su yɛ. (1 Piɛ. 2:17) Sanngɛ ɔ ti e liɛ wie kpa andɛ tra laa’n! E niaan’m be kusu be sɔnnin, yɛ be o mɛn wunmuan’n nun. ?Ɔ ti sɔ’n niɔn, wafa sɛ yɛ é kwlá kló be ɔ? Asa ekun’n, andɛ sran mɔ be kloman be wiengu’n, be afiɛn yɛ e tran ɔn. ?I lɛ nun’n, ngue yɛ é yó naan e sran klolɛ’n w’a wieman ɔn? (Mat. 24:12) Maan e nian video mɔ i flɛlɛ’n yɛle Toute la communauté des frères. I sin’n, maan e nian naan sɛ e kwla tɛ kosan nga be lɔngɔ su yɛ’m be su klanman o.
(1) ?Blɛ benin yɛ e kwla se kɛ sran kun w’a kaci e niaan Klistfuɛ ɔ? (2) ?Junman nsan benin yɛ e nin e niaan Klistfuɛ mun e di i mɛn wunmuan’n nun ɔn? (3) ?Ngue yɛ aniaan’m be yo naan b’a ko bo jasin fɛ’n (a) Alaska lɔ aawlɛ flɛnnɛn nun ɔn? (b) Abloki lɔ mmeli jranwlɛ’m be nun ɔn? (c) Peru lɔ bo ble’n nun ɔn? (4) ?Ngue ti yɛ ɔ fata kɛ e bu jasin fɛ’n bolɛ’n i like cinnjin ɔn? (5) Kɛ sa nga be lɔngɔ su yɛ’n be ju’n, wafa nga Zoova i Lalofuɛ’m be fɔnvɔ be wiengu, kpɛkun be uka be’n, amun kan wie ndɛ: (a) Kɛ asiɛ’n keje’n, (b) ɔ nin kɛ seke tu saci klɔ’n, (c) ɔ nin kɛ alɛ tɔ’n. (6) ?Wafa trele kun nga e kwlaa e kwla yo naan sran’m b’a si kɛ e ti Klistfuɛ’n yɛle benin? (Zan 13:35) (7) ?Kɛ e bo yo kun e kplan Ɲanmiɛn Sielɛ sua mun’n, wafa sɛ yɛ i bo’n gua man e ɔ? (8) ?Kɛ be tannin e niaan nga be o Abloki i wia afiliɛ lɔ’n nin Risi lɔ’n, be jasin fɛ’n bolɛ’n, ngue yɛ be yoli naan b’a su Zoova titi ɔ? (9) ?Ngue yɛ Zoova i Lalofuɛ sunman be mian be ɲin be yo naan b’a kwla tran aɲia’m be bo ɔ? ?Yɛ ngue ti yɛ be mian be ɲin sɔ ɔ? (10) ?Wafa sɛ yɛ video nga wla ɔ fanngan, (a) naan aɲia’m be bo lɔ’n, a nin ɔ niaan mun amun a su Zoova ɔ? (b) ?Yɛ wafa sɛ yɛ ɔ wla ɔ fanngan naan w’a uka ɔ niaan mun blɛ kekle nun ɔn? (c) ?Yɛ wafa sɛ yɛ ɔ uka ɔ naan w’a yo like kwlaa nga a kwla yo naan w’a bo jasin fɛ’n i lika kwlaa ɔ? (11) ?Wafa sɛ yɛ e kwla fa Video nga e di junman ɔn? ?Yɛ blɛ benin yɛ e kwla yo i sɔ liɛ’n niɔn?
Like cinnjin kpa nga ti yɛ e o Zoova i sufuɛ’m be nun wie’n yɛle kɛ e klo Zoova. E klo i su like suanlɛ yɛ e klo kɛ é fá klé sran uflɛ wie. Sran nga Zoova klo be’n, e klo be wie. Ɔ maan kɛ blɛ kekle’n nun e yo be ye’n, Zoova yɛ e lɛ i ase ɔ. Nɛ́n i yɛ ɔ fata kɛ ɔ la e ase ɔ. Afin e niaan Klistfuɛ’m be ti e sran nanndoliɛ mɔ Zoova man e ɔ. I sɔ’n ti’n, kɛ andɛ mɛn’n mɔ sran’m be kloman be wiengu’n kɔ́ i bue nuan’n, maan e liɛ’n cɛn kwlaa e kle kɛ e klo e niaan Klistfuɛ mun.