Jasin fɛ’n bolɛ nun ndɛ mun

◼ Kɛ ɔ fɛ i afuɛ 2012 nun Sɛptamblu i le 1 su m’ɔ́ fá jú 2013 nun Utu i le 31 su’n, nvle nga Kamerunun betɛli’n nian be Ɲanmiɛn junman’n su’n be dili junman kpa. Nvle sɔ’m be kun yɛle Gabɔn. Lɔ’n, jasin bofuɛ lele 95 be wa ukali laa liɛ’m be su. Ɔ maan dɔ nga su’n, b’a yo 3.808. Kun ekun yɛle Gine Ekuatoriali. Lɔ kusu’n jasin bofuɛ lele 182 be wa ukali laa liɛ’m be su. Dɔ nga su’n, b’a yo 1.632. Kamerunun nvle’n bɔbɔ’n nun’n, jasin bofuɛ’m b’a ju 37.844. Sɛ é kwlá sé’n, sran lele 1.017 yɛ be ukali laa liɛ’m be su ɔ. Nanwlɛ, Zoova su yo naan i Sielɛ’n i jasin’n tru nvle sɔ’m be nun.​—1 Kor. 3:6.