Jasin mun

◼ Fluwa nga é fá mán sran mun Sɛptamblu nin Ɔktɔblu nun’n: Sasafuɛ Tranwlɛ’n nin Réveillez-vous ! Novamblu nin Desamblu nun’n: ?Ngue like yɛ Biblu’n kle i sakpasakpa ɔ? Annzɛ fluwa nɲa nga mun: ?Amun bu Biblu’n i sɛ? ?Amun bu i kɛ e ɲrun lɔ’n yó sɛ? ?Awlobo tranlɛ fɛ’n fin ngue? ?Wan yɛ mɛn’n o i sa nun sakpasakpa ɔ? ?Cɛn wie lele’n ɲrɛnnɛn’n wíe? ?Ɔwuliɛ’m be kwla sa be sin nguan nun ekun?

◼ Afuɛ 2015 nun’n, kɛ E wla kpɛnlɛ aɲia’n ko sin’n, le mɔcuɛ ng’ɔ́ bó i bo Avrili i le 6 su’n, é tíe nzra nun ijɔlɛ ngunmin kun. Sɛ ɔ yo’n, e ko bo i flɛlɛ’n su e ko kle amun. Asɔnun nga akpasua sunianfuɛ’n sín be su blɛ sɔ’n nun’n, annzɛ kusu nga be le aɲia dan kun le mɔcuɛ kunngba sɔ’n nun’n, be kwla yo be liɛ’n le mɔcuɛ ng’ɔ́ bɛ́ i sin’n nun. Asɔnun wie fi leman atin siesieman ijɔlɛ ngunmin kun sɔ’n ka naan Avrili i le 6 w’a ju.

◼ Kɛ ɔ fɛ i Sɛptamblu anglo’n nun’n, akpasua sunianfuɛ’m be nzra nun ijɔlɛ’n i flɛlɛ’n yɛ: “Wafa nga ngwlɛlɛ ng’ɔ fin Ɲanmiɛn’n yo e ye’n”