“An fɔnvɔ amun wiengu titi, yɛ an wla amun wiengu fanngan titi”

5:11-14

Klisifuɛ’m be tinuntinun be kwla wla be wiengu’m be fanngan. Ɔ ju wie’n, tukpacɛ annzɛ sa uflɛ wie’m be kwla tanndan e ɲrun. Sanngɛ, kɛ e mian e ɲin e tran aɲia’m be bo yɛ e bo jasin fɛ’n, e wla e niaan Klisifuɛ’m be fanngan. (1Te 2:2) Asa ekun’n, e kwla bu ndɛ nga be wla fanngan’n be su akunndan, yɛ e kwla kunndɛ ndɛ nga be wla fanngan’n be su like. Sɛ e yo ninnge sɔ mun’n, é kwlá wla e niaan Klisifuɛ nga be mian ukalɛ wun’n be fanngan.

?Nin yɛ e kwla ɲan afɔtuɛ naan y’a si wafa nga e kwla wla sran kun mɔ sa wie o i su’n, i fanngan-ɔn?

?Amun asɔnun’n nun’n, wan yɛ a klo kɛ á wlɛ́ i fanngan-ɔn?