Ɲanmiɛn i wla su fiman junman nga e di’n su

Zoova i sufuɛ’m be kwlaa be kwla di junman mɛn i. Yɛ junman sɔ mɔ be di’n, Zoova i wla su fiman su le. Kɛ siɛ kpa kun i mma’m be yo like kpa’n, i wla fiman su. I wafa kunngba’n, junman nga e di e man Zoova’n, ɔ nin klolɛ nga e fa klo i dunman’n, i wla su fiman su. (Mt 6:20; Ebr 6:10) Ɔ ti su kɛ e su sa’m be ti fanunfanun. Yɛ ninnge nga e si be yo’n, be timan kun. Sanngɛ sɛ e tu e klun e di Zoova i junman’n, é dí aklunjuɛ. (Gal 6:4; Kol 3:23) Aniaan sunman be di junman Betɛli lɔ i afuɛ kpanngban yɛ. ?Yɛ ɔ li, a kwla ko di junman Betɛli lɔ cɛn kunngun? ?Sɛ ɔ bɔbɔ a kwlá yoman sɔ’n, a kwla wla aniaan uflɛ fanngan kɛ ɔ yo sɔ? ?Annzɛ a kwla suan Betɛlifuɛ kun bo naan w’a miɛn i ɲin w’a di i junman’n i kpa?

AN NIAN VIDEO NGA BE FLƐ I KƐ MAAN E BU BETƐLI LƆ JUNMAN DILƐ’N I AKUNNDAN. I SIN’N, AN TƐ KOSAN NGA’M BE SU:

• ?Ngue yɛ ɔ kwla su sran kun bo naan w’a kunndɛ kɛ ɔ́ dí junman Betɛli lɔ-ɔ?

• ?Ye benin yɛ be nga be di junman Betɛli’m be nun’n be ɲɛn i-ɔ?

• ?Sɛ sran kun waan ɔ́ dí junman Betɛli lɔ’n, nzuɛn benin mun yɛ ɔ fata kɛ ɔ yi be nglo-ɔ?

• ?Sɛ sran kun waan ɔ́ dí junman Betɛli lɔ’n, ajalɛ benin yɛ ɔ kwla fa-ɔ?