LIKE NGA KLISIFUƐ’M BE YO’N
Kɛ Zozɛfu sa’n, maan e kpalo bla nin bian kunndɛlɛ sukusuku’n
Zozɛfu kle e ajalɛ kpa naan y’a tɔman bla nin bian kunndɛlɛ sukusuku’n nun. Cɛn kwlaa Zozɛfu i min’n i yi’n jin i wun kɛ ɔ nin i be la, sanngɛ Zozɛfu w’a kplinman su. (Bo 39:7-10) Zozɛfu seli bla’n kɛ: “N yo sa tɛ dan nga-a ɔ yo-man ye. Sɛ n yo sɔ-ɔ, wuun Nyanmiɛn yɛ m’an wɔ i safle-ɔ.” Ndɛ sɔ’n mɔ Zozɛfu kannin’n, kle kɛ ɔ si kɛ Zoova kloman kɛ be nga be o aja nun’n, be kunndɛ bian annzɛ bla be wiengu bo. I sɔ’n ukɛli i naan ɔ nin bla’n b’a laman, sanngɛ ɔ wanndili.—Bo 39:12; 1Ko 6:18.
AN NIAN VIDEO NGA BE FLƐ I KƐ KPALO NINNGE NGA BE KWLA FA Ɔ YI BLA NIN BIAN KUNNDƐLƐ SUKUSUKU’N NUN’N. I SIN’N, AN TƐ KOSAN NGA’M BE SU:
?Sa benin yɛ ɔ juli Jinnin su-ɔ?
?Kɛ Mi Kiɔngu seli Jinnin kɛ ɔ ukɛ i naan be di suklu lɔ junman kun’n, kosan benin yɛ Jinnin fa usɛli i wun-ɔn?
?Kɛ Mi Kiɔngu seli Jinnin kɛ ɔ ukɛ i’n, wafa sɛ yɛ i sɔ’n kleli Jinnin i yalɛ-ɔ?
?Ngue yɛ ɔ ukali Jinnin-ɔn?
?Ngue yɛ Jinnin yoli naan w’a tɔman bla nin bian kunndɛlɛ sukusuku’n nun-ɔn?
?Afɔtuɛ benin mun yɛ video’n man wɔ-ɔ?