Maan e nian e wun su naan y’a faman ato ndɛ y’a truman

Andɛ’n, kɛ sran’m be ko ti ndɛ kun’n be fa tru ndɛndɛ kpa. Wie liɛ’n, be kwla fa sie i fluwa su annzɛ be kwla bo i jɔ aladio annzɛ televiziɔn nun annzɛ kusu ɛntɛnɛti su. Be nga be su ‘Ɲanmiɛn m’ɔ buaman ato’n’ be nian be wun su naan b’a faman ato ndɛ wie b’a truman. (Ju 31:6; Tu 23:1) Ato ndɛ’m be kwla kpɛ saɛ ba. Sɛ ɔ waan á wún i wlɛ kɛ ndɛ kun ti nanwlɛ’n, usa ɔ wun kɛ:

• ‘?Sran ng’ɔ kannin ndɛ sɔ’n kleli min’n, n kwla lafi i su?’ Atrɛkpa’n sran ng’ɔ kannin ndɛ sɔ’n, ɔ siman ndɛ’n i ngba’n nun. Asa’n, kɛ be kan ndɛ kle sran kun mɔ i kusu kan kle sran uflɛ’n, kɛ ndɛ’n trú kɔ́’n nn ndɛ’n káci. Kɛ mɔ asɔnun’n nunfuɛ’m be lafi aniaan nga be di junman asɔnun’n nun’n be su’n ti’n, ɔ fata kɛ aniaan sɔ’m be nian be wun su naan b’a faman ato ndɛ b’a truman.

• ‘?Ndɛ sɔ’n kwla saci sran wun?’ Sɛ ndɛ sɔ’n kwla saci sran kun i dunman annzɛ sran akpasua kun wun’n, ɔ fata kɛ e nian e wun su naan y’a faman ndɛ sɔ’n y’a truman.—Nya 18:8; Fp 4:8

• ‘?Be kwla lafi ndɛ sɔ’n su?’ Sɛ sran kun kan ndɛ naan ɔ blɔ i dan’n, nán maan e ka lɛ e fa su. Asa ekun’n, sɛ e ti sran wie’m be su ndɛ’n, maan e nanti ajalɛ kunngba sɔ’n su.

AN NIAN VIDEO’N NGA BE FLƐ I KƐ ?Ń YÓ SƐ NAAN M’AN YACI SRAN WUN NDƐ KANLƐ? I SIN’N, AN TƐ KOSAN NGA’M BE SU:

• 

  ?Kɛ nga Nyanndra Mun 12:18 fa kan’n sa’n, sɛ y’a nianman e wun su’n, e nuan nun ndɛ’n kwla yo e wiengu’m be sɛ?

• 

  ?Sɛ e su kan sran kun i ndɛ’n, wafa sɛ yɛ Filipufuɛ Mun 2:4 kwla uka e naan y’a nian e wun su-ɔ?

• 

  ?Sɛ e nian naan be su kan sran kun wun ndɛ’n, ngue yɛ ɔ fata kɛ e yo-ɔ?

• 

  ?Kwlaa naan y’a kan sran kun i ndɛ’n, kosan benin mun yɛ ɔ fata kɛ e fa usa e wun-ɔn?