‘Sran ng’ɔ klo sran’n, i wla o like kwlaa su’

Kɛ mɔ e klo e niaan mun ti’n e lafi su kɛ bé yó like ng’ɔ ti kpa’n. (1Ko 13:4, 7) I wie yɛle kɛ sɛ e niaan kun yo sa tɛ naan be tu i fɔ’n, e lafi su kɛ ɔ́ sɔ́ fɔ nga be tu i’n nun naan ɔ́ káci i sa. Be nga be Ɲanmiɛn sulafilɛ’n w’a kan ase’n e tra e awlɛn be wun yɛ e uka be. (Rɔm 15:1) Sɛ sran kun yaci Zoova sulɛ’n, maan e lafi su kɛ ɔ́ sɛ́ i sin cɛn kun. —Lik 15:17, 18.

AN NIAN VIDEO NGA BE FLƐ I KƐ MAAN E WLA KPƐN SU KƐ SRAN NG’Ɔ KLO SRAN’N: I WLA O LIKE KWLAA SU. I SIN’N, AN TƐ KOSAN NGA’M BE SU:

• ?Ngue yɛ ɔ kle kɛ Abinɛɛ wa kacili i sa-ɔ?

• ?Wafa sɛ yɛ Davidi nin Zɔabu be buli Abinɛɛ i ndɛ’n niɔn?

• ?Ngue ti yɛ ɔ fata kɛ e lafi su kɛ e niaan’m bé yó like ng’ɔ ti kpa’n niɔn?