MƐ 20-26
JUE MUN 40–41
Jue 102 yɛ srɛlɛ | Aɲia’n i su fitilɛ (Min. 1)
1. ?Ngue ti yɛ ɔ fata kɛ e uka e wiengu mun-ɔn?
(Min. 10)
Kɛ e uka e wiengu mun’n, e di aklunjɔɛ. (Ju 41:1; w18.08 19-20 § 16-18)
Zoova uka be nga be uka be wiengu mun’n. (Ju 41:2-4; w15 1/12 24 § 7)
Kɛ e uka e wiengu mun’n, Zoova ɲan ɲrun. (Ju 41:13; Ɲan 14:31; w17.09 14 § 17)
USA Ɔ WUN KƐ: ‘?Aniaan kun o e asɔnun nun m’ɔ kunndɛ kɛ be ukɛ i naan w’a kwla fa JW Library w’a di junman kpa-ɔ?’
2. Ninnge kpakpa mɔ be o Ɲanmiɛn Ndɛ’n nun’n
(Min. 10)
Ju 40:5-10—?Atin mɔ Zoova le i sie nglo nin asiɛ’n, i su like benin yɛ Davidi i srɛlɛ’n uka e naan y’a wun i wlɛ-ɔ? (it-1-F 1260-1261)
?Biblu’n i bue ng’ɔ fata kɛ e kanngan nun lemɔcuɛ nga nun’n i nun ndɛ fɛ benin yɛ a kunndɛ kɛ á bó su-ɔ?
3. Biblu’n nun kannganlɛ
(Min. 4) Ju 40:1-17 (th like suanlɛ 12)
4. A nin sran bo yalɛ kokolɛ bo
(Min. 3) JASIN FƐ BOLƐ NGA B’A SIESIEMAN’N. A nin sran kun mɔ kɛ a niɛn i ɲrun’n, a wun i kɛ i klun jɔ’n be bo yalɛ kokolɛ bo. (lmd like suanlɛ 2 ndɛ ja 3)
5. A nin sran bo yalɛ kokolɛ bo
(Min. 4) JASIN FƐ BOLƐ NGA B’A SIESIEMAN’N. A nin sran kun mɔ kɛ a niɛn i ɲrun’n, a wun i kɛ i klun jɔman’n be bo yalɛ kokolɛ bo. (lmd like suanlɛ 3 ndɛ ja 5)
6. Yo maan sran’m be kaci Zezi i sɔnnzɔnfuɛ
(Min. 5) lff like suanlɛ 14 ndɛ ja 6. Biblu’n nun like suanfuɛ kun sisi i bo naan w’a tɛ kosan’m be su aɲia’m be bo. A nin i be koko ndɛ nga be flɛ i kɛ “Manman Zoova aɲia’m be bo” i su yalɛ. Ndɛ sɔ’n wo fluwa’n i bue nga be flɛ i kɛ “Ndɛ wie mun ekun” nun. (th like suanlɛ 19)
Jue 138
7. Maan e yo like ng’ɔ ti kpa’n e man aniaan kpɛnngbɛn mun
(Min. 15) Yalɛ kokolɛ.
Zoova bu junman kwlaa nga aniaan kpɛnngbɛn’m be di i asɔnun’n nun’n i like dan. E kusu e bu i sɔ wie. (Ebr 6:10) Aniaan sɔ’m be kle aniaan’m be like yɛ be wla be fanngan. Be yo i sɔ i afuɛ kpanngban yɛ. Atrɛkpa’n, ɔ wla kpɛn wafa nga be ukali wɔ’n su. E niaan kpa sɔ’m be yoli ninnge sunman asɔnun’n nun yɛ andɛ nin andɛ’n be to yo. ?Wafa sɛ yɛ a kwla kle kɛ a si ye-ɔ?
Bo VIDEO nga be flɛ i kɛ ‘Maan e yo like ng’ɔ ti kpa’n e man e niaan mun.’ I sin’n usa nzrafuɛ’m be kɛ:
?Ngue like yɛ aniaan bian O-jinin Kangu kleli aniaan bian Ji-Unun-ɔn?
?Ngue ti yɛ ɔ fata kɛ e bu aniaan nga b’a yo kpɛnngbɛn’n be sran-ɔn?
?Ngue yɛ Samari bian’n i su ndɛ’n kle e-ɔ?
Kɛ aniaan bian Ji-Unun kɔ́ aniaan bian O-jinin Kangu i ukalɛ’n ɔ nin aniaan wie mun yɛ be ɔli-ɔ. ?Ngue ti yɛ i sɔ m’ɔ yoli’n ti kpa-ɔ?
Sɛ e fa e ɲin e sie i aniaan nga b’a yo kpɛnngbɛn’n be su’n, é wún ninnge trele wie mɔ e kwla yo be fa ti be wun ɲanman nun’n. Kɛ e ko si ninnge nga be sa mian be wun’n, maan e bu wafa nga e kwla yo ninnge sɔ mun’n i akunndan.—Zak 2:15, 16.
An kanngan Galasifuɛ Mun 6:10 nun. I sin’n usa nzrafuɛ’m be kɛ:
?Wafa sɛ yɛ e kwla yo “like ng’ɔ ti kpa’n” e man aniaan nga b’a yo kpɛnngbɛn’n mun-ɔn?
8. Asɔnun’n i Biblu’n nun like suanlɛ
(Min. 30) bt ndɛ tre 10 § 1-4, kuku b. 79