ZUIE 22-28

ƝANMIƐN NDƐ’N NUN NINNGE KPAKPA WIE MUN

1. Zoova sua e trɔ mun cɛn kwlakwla

(Min. 10)

Zoova sie i su e srɛlɛ’m be bo yɛ ɔ tɛ be su. (Ju 66:19; w23.05 12 § 15)

Zoova fɛ i ɲin sie i be nga be leman wie’n be su. (Ju 68:5; w10-F 1/12 23 § 6; w09-F 1/4 31 § 1)

Zoova uka e cɛn kwlakwla. (Ju 68:19; w23.01 19 § 17)

Foto mun: Aniaan bla kun srɛ Ɲanmiɛn blɛ kwlaa nun. 1. Kɛ ɔ jaso nglɛmun’n ɔ srɛ Ɲanmiɛn. 2. Ɔ nin i mma’m be srɛ Ɲanmiɛn ka naan b’a ɔ suklu. 3. Kɛ ɔ o junman su lɔ’n, ɔ srɛ Ɲanmiɛn.

BU SU AKUNNDAN: ?É yó sɛ naan y’a kle kɛ e kplin su kɛ Zoova sua e trɔ’n?

2. Ninnge kpakpa mɔ be o Ɲanmiɛn Ndɛ’n nun’n

(Min. 10)

Ju 68:18—?Izraɛlifuɛ’m be blɛ su’n, waan mun yɛle be nga ‘be fali be mannin’n’? (w06 1/7 10 § 4)

Tɛ su wa
?Biblu’n i bue ng’ɔ fata kɛ e kanngan nun lemɔcuɛ nga nun’n i nun ndɛ fɛ benin yɛ a kunndɛ kɛ á bó su-ɔ?

Tɛ su wa

3. Biblu’n nun kannganlɛ

(Min. 4) Ju 66:1-20 (th like suanlɛ 11)

MIAN Ɔ ƝIN NAAN SI JASIN FƐ’N I BO KPA

4. A nin sran bo yalɛ kokolɛ bo

(Min. 3) AWLOAWLO’M BE NUN. A nin sran’n amun finwlɛ’n timan kun. (lmd like suanlɛ 5 ndɛ ja 3)

5. Nian sran osu

(Min. 4) AWLOAWLO’M BE NUN. A nin sran’n be koko fluwa nɲa nga a yacili i sa nun’n i su yalɛ. (lmd like suanlɛ 9 ndɛ ja 3)

6. Yo maan sran’m be kaci Zezi i sɔnnzɔnfuɛ

(Min. 5) lff like suanlɛ 15 ndɛ’n i su fitilɛ nin ndɛ ja 1-3. (th like suanlɛ 8)

LIKE NGA KLISIFUƐ’M BE YO’N

7. ?A kwla uka sran kun naan w’a suɛ i trɔ’n?

(Min. 15) Yalɛ kokolɛ.

Kɛ sa tɔ Ɲanmiɛn i sufuɛ’m be su’n, ɔ nunman nun kɛ be ngunmin be kpli. (2Ɲo 20:15; Ju 127:1) Afin e le ukafuɛ kun, yɛle Zoova. (Eza 41:10) ?Ninnge benin wie mun yɛ Zoova fa be uka e-ɔ? Ɔ sin i nuan Ndɛ’n nin i anuannzɛ’n be lika kle e atin. (Eza 48:17) Ɔ fɛ i wawɛ’n man e. (Lik 11:13) Asa’n, ɔ yo maan aniaan’m be wla e fanngan yɛ be yo ninnge trele wie mun fa uka e. (2Ko 7:6) I sɔ’n kle kɛ Zoova kwla sin e tinuntinun e lika uka e wiengu Klisifuɛ kun naan w’a suɛ i trɔ’n.

Foto nga fin video nga be flɛ i kɛ “Maan e yi sran klolɛ’n i nglo asɔnun’n nun tititi: Sran oke mun” i nun. Aniaan bla Polina Santizi Gomɛzi jin i awlo’n i ɲrun lɛ ɔ su sri.

Bo VIDEO nga be flɛ i kɛ Maan e yi sran klolɛ’n i nglo asɔnun’n nun tititi: Sran oke mun. I sin’n usa nzrafuɛ’m be kɛ:

?Ngue yɛ e kwla yo e uka aniaan oke mun naan b’a sua be trɔ’n niɔn?

Tɛ su wa

Foto nga fin video nga be flɛ i kɛ “Maan e yi sran klolɛ’n i nglo asɔnun’n nun tititi: Blɛ kwlaa nun Ɲanmiɛn junman difuɛ mun” i nun. Zozɛfu DeVito nin i yi Anita be su bo jasin fɛ’n.

Bo VIDEO nga be flɛ i kɛ Maan e yi sran klolɛ’n i nglo asɔnun’n nun tititi: Blɛ kwlaa nun Ɲanmiɛn junman difuɛ mun. I sin’n usa nzrafuɛ’m be kɛ:

?Ngue yɛ e kwla yo e uka blɛ kwlaa nun Ɲanmiɛn junman difuɛ mun naan b’a sua be trɔ’n niɔn?

Tɛ su wa

Foto nga fin video nga be flɛ i kɛ “Maan e yi sran klolɛ’n i nglo asɔnun’n nun tititi: Aofuɛ mun” i nun. Bili Zɛngi nin i yi Magi be su suan Biblu’n nun like. Kɛ bé yó sɔ’n nn bé srí.

Bo VIDEO nga be flɛ i kɛ Maan e yi sran klolɛ’n i nglo asɔnun’n nun tititi: Aofuɛ mun. I sin’n usa nzrafuɛ’m be kɛ:

?Ngue yɛ e kwla yo e uka be nga sa o be su’n naan b’a sua be trɔ’n niɔn?

Tɛ su wa

8. Asɔnun’n i Biblu’n nun like suanlɛ

(Min. 30) bt ndɛ tre 13 § 1-7, akpasua 5 su’n i su fitilɛ’n nin kuku b. 103