SƐPTANBLU 2-8

ƝANMIƐN NDƐ’N NUN NINNGE KPAKPA WIE MUN

1. Maan e kle kɛ e klo Zoova i dunman m’ɔ ti dan’n

(Min. 10)

Maan e kpalo ninnge nga sɛ e yo be’n é sáci Zoova i dunman’n. (Ju 79:9; w17.02 10 § 5)

Maan e bo Zoova i dunman’n. (Ju 80:18; ijwbv 3 § 4-5)

Zoova yra be nga be ɲin yi i mɔ be sacimɛn i dunman’n be su. (Ju 81:13, 16)

Aniaan bian kun i wunmiɛn lolɛ blɛ nun’n, ɔ su fa fluwa kpe kan nga jw.org o su’n mɛn i wiengu junman difuɛ kun. — Sɛ e kunndɛ kɛ e ayeliɛ’n manman Zoova’n, ɔ fata kɛ e kle kɛ e ti i Lalofuɛ.

2. Ninnge kpakpa mɔ be o Ɲanmiɛn Ndɛ’n nun’n

(Min. 10)

Ju 80:1—?Ngue ti yɛ ɔ ju wie’n kɛ bé kán Izraɛli nvle’n i ndɛ’n Zozɛfu dunman yɛ be bo-ɔ? (it-2-F 53)

Tɛ su wa
?Biblu’n i bue ng’ɔ fata kɛ e kanngan nun lemɔcuɛ nga nun’n i nun ndɛ fɛ benin yɛ a kunndɛ kɛ á bó su-ɔ?

Tɛ su wa

3. Biblu’n nun kannganlɛ

(Min. 4) Ju 79:1–80:7 (th like suanlɛ 10)

MIAN Ɔ ƝIN NAAN SI JASIN FƐ’N I BO KPA

4. A nin sran bo yalɛ kokolɛ bo

(Min. 1) AWLOAWLO’M BE NUN. Se sran’n kɛ a klo kɛ á klé i Biblu’n nun like. (lmd like suanlɛ 4 ndɛ ja 4)

5. A nin sran bo yalɛ kokolɛ bo

(Min. 3) JASIN FƐ BOLƐ NGA B’A SIESIEMAN’N. Se sran’n kɛ a klo kɛ á klé i Biblu’n nun like. (lmd like suanlɛ 4 ndɛ ja 3)

6. A nin sran bo yalɛ kokolɛ bo

(Min. 2) NZRA NUN JASIN FƐ BOLƐ. Se sran’n kɛ a klo kɛ á klé i Biblu’n nun like. (lmd like suanlɛ 3 ndɛ ja 3)

7. Nian sran osu

(Min. 5) AWLOAWLO’M BE NUN. Se sran kun mɔ laa’n w’a kplinman su kɛ ɔ́ súan Biblu’n nun like’n kɛ a klo kɛ á klé i Biblu’n nun like. (lmd like suanlɛ 8 ndɛ ja 3)

LIKE NGA KLISIFUƐ’M BE YO’N

8. “Bé wá mánmán min dunman’n”

(Min. 15) Yalɛ kokolɛ.

Edɛnin lɔ fie klanman nun’n, Satan sacili Zoova i dunman. Kɛ ɔ fɛ i lɛ’n ɔ fata kɛ klɔ sran mun nin anzi’m be yo like cinnjin kpa kun. Yɛle kɛ bé yó Zoova i dunman’n i sanwun annzɛ be su yomɛn i sanwun.

Maan e fa e ɲin e sie i Zoova i su ato ndɛ nga Satan kan be’n, be nun wie’m be su. Satan waan Zoova i klun yo wi naan ɔ siman sran’m be sie. (Bob 3:1-6; Zɔb 4:18, 19) Asa’n i waan Zoova i sufuɛ’m be sumɛn i klolɛ su. (Zɔb 2:4, 5) Kpɛkun ɔ yoli maan sran miliɔn kpanngban be lafi su kɛ nán Zoova yɛ ɔ yili mɛn’n niɔn.—Rɔm 1:20, 21.

?Kɛ a ti ato ndɛ sɔ mun’n wafa sɛ yɛ ɔ wun yo-ɔ? E si kɛ a kunndɛ kpa kɛ á jrán Zoova i sin! Ɔ si kɛ i sufuɛ’m be kunndɛ kɛ bé úkɛ i naan ɔ yo i dunman’n i sanwun. (Eza 29:23) ?Wafa sɛ yɛ e kwla uka Zoova-ɔ?

Maan e uka e sran mun naan be si Zoova naan be klo i. (Zan 17:25, 26) Maan e fa sran’m be ɲin sie i ninnge nga be kle kɛ Zoova o lɛ sakpa’n be su yɛ e kɛn i nzuɛn’m be ndɛ e kle be wie.—Eza 63:7.
Maan e klo Zoova tankaan kpa. (Mat 22:37, 38) Maan e fa Zoova i mmla’m be su. Nán kɛ mmla sɔ’m be ti kpa’n i ngunmin ti yɛ ɔ fata kɛ e fa be su-ɔ. Sanngɛ maan e yo sɔ naan Zoova i klun jɔ.—Ɲan 27:11

Foto mun: Foto nga be fin video nga be flɛ i kɛ “Klolɛ’n wieman le: Kannzɛ suklu lɔ’n e o be nga be nantiman Ɲanmiɛn i mmla’m be su’n be afiɛn’n” i nun. 1. Ariɛli ti tabli kun sin yɛ ba yasua kun w’a tinndin i sa’n i su, ɔ su usa like nga ti yɛ ɔ manmanman drapo’n wie’n. 2. Ɔ su suan Biblu’n ɔ nin fluwa “Biblu’n nun ndɛ’m be kle e like” i like suanlɛ 61 be nun like. 3. Ɔ jin i wiengu suklu mma’m be ɲrun klasi nun lɔ, ɔ su kan like ng’ɔ lafi su’n i ndɛ kle be. 4. Diego i wiengu suklu ba kun su mɛn i siklɛti naan ɔ nɔn. 5. Ɔ su fɛ i tablɛti’n kunndɛ ndɛ wie’m be su like. 6. Ɔ fin be suklu’n nun lɔ ɔ su fite, kɛ ɔ́ yó sɔ’n nn ɔ́ srí.

Bo VIDEO nga be flɛ i kɛ Klolɛ’n wieman le: Kannzɛ suklu lɔ’n e o be nga be nantiman Ɲanmiɛn i mmla’m be su’n be afiɛn’n. I sin’n usa nzrafuɛ’m be kɛ:

?Wafa sɛ yɛ Ariɛli nin Diego be jrannin Zoova i sin-ɔn?

Tɛ su wa
?Ngue ti yɛ be jrannin Zoova i sin-ɔn?

Tɛ su wa
?Wafa sɛ yɛ e kwla nian be ajalɛ’n su-ɔ?

Tɛ su wa

9. Asɔnun’n i Biblu’n nun like suanlɛ

(Min. 30) bt ndɛ tre 15 § 1-7, nin akpasua 6 su’n i su fitilɛ’n