ƆKTƆBLU 28–NOVANBLU 3

ƝANMIƐN NDƐ’N NUN NINNGE KPAKPA WIE MUN

1. Ɔ si kɛ “e ti fa”

(Min. 10)

Kɛ mɔ Zoova si aunnvɔɛ ti’n, i like yolɛ yoman ya. (Ju 103:8; w23.07 21 § 5)

Kɛ e yo sa tɛ bɔbɔ’n ɔ kpɔciman e. (Ju 103:9, 10; w23.09 6-7 § 16-18)

Ɔ mianman e kɛ e yo like nga e kwlá yoman’n. (Ju 103:14; w23.05 26 § 2)

Bla kun su kɛn i klun ndɛ kle i wun’n. I wun kusu sie i su kpa i nuan bo.

USA Ɔ WUN KƐ: ‘?Wafa nga e nin min yi annzɛ min wun e tran’n ɔ kle kɛ n sɔnnzɔn Zoova mɔ i like yolɛ yoman ya’n?’

2. Ninnge kpakpa mɔ be o Ɲanmiɛn Ndɛ’n nun’n

(Min. 10)

Ju 104:24—?Ngue yɛ ndɛ mma nga kle e ninnge nga Zoova yili be’n be su-ɔ? (cl 64 § 18)

Tɛ su wa
?Biblu’n i bue ng’ɔ fata kɛ e kanngan nun lemɔcuɛ nga nun’n i nun ndɛ fɛ benin yɛ a kunndɛ kɛ á bó su-ɔ?

Tɛ su wa

3. Biblu’n nun kannganlɛ

(Min. 4) Ju 104:1-24 (th like suanlɛ 11)

MIAN Ɔ ƝIN NAAN SI JASIN FƐ’N I BO KPA

4. A nin sran bo yalɛ kokolɛ bo

(Min. 3) NZRA NUN JASIN FƐ BOLƐ. (lmd like suanlɛ 3 ndɛ ja 4)

5. Nian sran osu

(Min. 4) AWLOAWLO’M BE NUN. A nin sran kun m’ɔ kplinnin su kɛ a kle i Biblu’n nun like’n, be koko video nga be flɛ i kɛ Mo nin Biblu’n nun like suanlɛ’n i bo bolɛ i su yalɛ. (th like suanlɛ 9)

6. Ijɔlɛ

(Min. 5) lmd ndɛ uflɛ wie 1 ndɛ ja 6—Ndɛ nga á yíyí nun’n: Ɔ fata kɛ yasua’n “klo i yi kɛ ɔ fa klo i bɔbɔ wun’n sa.” (th like suanlɛ 1)

LIKE NGA KLISIFUƐ’M BE YO’N

7. ?A wun i wlɛ kɛ a kwlá yoman ninnge ngba?

(Min. 15) Yalɛ kokolɛ.

Kɛ e tu e klun e yo Zoova i klun sa’n, i klun jɔ yɛ e kusu e klun jɔ wie. (Ju 73:28) Sanngɛ i sɔ yolɛ nun’n maan e wun i wlɛ kɛ e kwlá yoman ninnge ngba. Sɛ y’a wumɛn i sɔ’n i wlɛ’n, é kókó kpɛkun e sa sin búbú e.

Aniaan bla nga be kɛnnin i ndɛ video nga be flɛ i kɛ “Maan e wun i wlɛ kɛ e kwlá yoman ninnge ngba’n” nun’n.

Bo VIDEO nga be flɛ i kɛ Maan e wun i wlɛ kɛ e kwlá yoman ninnge ngba’n. I sin’n usa nzrafuɛ’m be kɛ:

?Ngue yɛ Zoova kunndɛ kɛ e yo-ɔ? (Mis 6:8)

Tɛ su wa

Foto nga fin video nga be flɛ i kɛ “Maan e wun i wlɛ kɛ e kwlá yoman ninnge ngba’n” i nun. Aniaan talua’n nin i janvuɛ’n be o kafe nɔnwlɛ kun nun be su wla Biblu’n nun like suanfuɛ kun i fanngan.

?Ngue yɛ ɔ ukali aniaan bla’n naan w’a kokoman like nga i waan ɔ́ yó’n i ti dan kun-ɔn?

Tɛ su wa

?É YÓ SƐ NAAN Y’A WUN I WLƐ KƐ E KWLÁ YOMAN NINNGE NGBA?

Nán e fa e wun e sunnzun e wiengu mun. (Gal 6:4) Nán maan e se kɛ saan é yó ninnge nga e wiengu’m be yo’n wie. Asa’n nán maan e se wun kɛ: “Sɛ min wiengu’m be kwla like nga yo’n, nn n kusu n kwlɛ i yo wie.” Afin kannzɛ e nin sran kun e ti wiengu annzɛ e su sa’n ti kun’n, sanngɛ atrɛkpa’n ɔ kwla yo ninnge wie mɔ e liɛ’n e su kwlá yoman be-ɔ.
Nán srɛ m’ɔ kun e ti’n, e se kɛ e yoman ninnge wie mun. (Rɔm 12:1; 1Ko 7:31) Wienun-ɔn, e kunndɛ kɛ é dí junman wie. Sanngɛ srɛ m’ɔ kun e ti’n e se e wun kɛ e su kwlá diman junman sɔ’n annzɛ e su kwlá ɲanman su ye kɛ nga e sunnzunnin’n sa.—Mal 3:10
Sɛ e kunndɛ kɛ é sí ninnge nga e kwla yo be’n, maan e fa ninnge wie’m be yolɛ e sie e ɲrun. I wie yɛle kɛ e kwla bu titi atin bolɛ junman’n i akunndan. I lɛ nun’n, anglo wie’m be nun’n e kwla uka dɔ nga e fa bo jasin fɛ’n su annzɛ e kaci cɛn kunngun atin bofuɛ. Asa’n, e kwla di titi atin bolɛ junman’n afuɛ kun e nian. Sɛ e yo ninnge sɔ mun naan e wun i wlɛ kɛ e kwlá kaciman titi atin bofuɛ annzɛ e kwlá dimɛn i afuɛ kpanngban’n, e sa sin su bubuman e. Afin e liɛ kan nga e waan é yó’n e kwla yoli.—Aku 6:9
Maan e kaci ninnge wie mun. E su sa’m be kacikaci yɛ ninnge nga e kwla yo be’n be kacikaci wie. I sɔ’n ti’n, maan e bu ninnge nga e kunndɛ kɛ é yó be’n be akunndan tikatika naan e kaci be.

8. Asɔnun’n i Biblu’n nun like suanlɛ

(Min. 30) bt ndɛ tre 17 § 8-12, kuku b. 137