?Wan yɛ ɔ yili amun ɔn?

1 Ɲanmiɛn Kpli yili nglo nin asiɛ’n.—Bo Bolɛ 1:1.

2 Ɲanmiɛn Kpli le dunman kun. I dunman’n yɛle Zoova.—Jue Mun 83:18, Traduction du monde nouveau.

Ɲanmiɛn su lɔ yɛ Zoova tran ɔn. Ɔ ti aolia nun sran. Amun kwlá wunmɛn i wun.—Ezai 66:1; Zan 1:18; 4:24.

3 Zoova yili anzi kaka mun ɲanmiɛn su lɔ’n. Be kusu be ti aolia nun sran wie. Be kwlaa be ti kpa laa. Laa, kɛ ɔ ko yo naan sran’m b’a wun be’n, wie liɛ’n, be bo nun kɛ klɔ sran sa.—Ebre Mun 1:7.

4 Zoova dun mmua yili nnɛn mun lele naan w’a yi klɔ sran’n.—Bo Bolɛ 1:25.

5 Zoova yili klɔ sran kun wie, be flɛ i Adam, kpɔkun ɔ yili i yi’n, be flɛ i Ɛvu.—Bo Bolɛ 1:27.

Ɲanmiɛn Kpli fali be sie fie klanman kun nun. Ɔ yili bla kunngba lekeleke, Adam liɛ’n. Ɔ fata kɛ sran kun nin bla kunngba lekeleke cɛ yɛ be tran ɔn.—Bo Bolɛ 2:8, 21, 22, 24.

6 Klɔ sran’n le nguan.—Bo Bolɛ 2:7.

7 Nnɛn mun be le nguan.—Bo Bolɛ 1:24.