Ɲanmiɛn su lɔ awa man asiɛ’n i ninnge kpa
41 Zoova fali Famiɛn dilɛ’n mannin Zezi ɲanmiɛn su lɔ.—Ezai 9:6; Daniɛl 7:13, 14; Sa Nga Be Yoli’n 2:32-36.
42 Zezi wá dí famiɛn asiɛ ngba’n su.—Daniɛl 7:14; Matie 28:18.
43 ?Like nga ɔ́ wá ɲán sa tɛtɛ yofuɛ mun’n te o amun klun?—Jue Mun 37:9, 10; Lik 13:5.
44 ?Anzi klikli nga ɔ yoli tɛ’n, i dunman’n te o amun klun? Zezi wá núnnún i ɔ nin anzi klunwifuɛ nga mun wie. Waka sran nin fafuɛ’m be wíe núnnún.—Ebre Mun 2:14; Sa Nglo Yilɛ 20:2, 10.
45 Zezi wá yó ninnge nglanman kaka kpa, aɲiyiɛfuɛ’m be liɛ’n.
46 Tukpacifuɛ su tranman lɛ mlɔnmlɔn kun.—Ezai 33:24; Sa Nglo Yilɛ 22:1, 2.
?Wafa nga Zezi yoli’n m’ɔ jasoli tukpacifuɛ mun’n, ɔ te o amun klun?
47 Sran ngba wá ɲán ninnge kpa.—Ezai 65:17, 21-23.
48 Be nga bɔbɔ mɔ be wuli’n, be te o Ɲanmiɛn Kpli klun. Ɔ́ fá Zezi yɛ ɔ́ mán be nguan ɔn. I yɛ be flɛ i sran cɛnlɛ’n niɔn.—Zan 5:28, 29; 11:25.
49 Kɛ sa tɛtɛ yofuɛ’m be ko wie nunnun’n, sran fi su wuman mlɔnmlɔn kun. Blo nnɛn’m be bɔɔ, be su yoman wlɛ kun. Sran ngba wá ɲán anannganman aunjuɛ.—Sa Nglo Yilɛ 21:4; Ezai 65:25; Jue Mun 37:11, 29.