“Awlo’m be nun”

1. Awlo’m be nun’n, e bo jasin’n,

E kle sran’m be nanwlɛ’n.

Klɔ dan’m be su, e ko kunndɛ

Awlɛn ba kpafuɛ mun.

Kɛ asiɛ ngba’n su Lalofuɛ’m

Bé nían bua’m be lika’n,

Zezi Klist seli kɛ bé bó

Famiɛn dilɛ jasin’n.

2. Awlo’m be nun’n, e bo jasin’n,

Be ti ɲanlɛ cɛn wie’n,

Wá yó Zoova dunman bofuɛ’n,

Nin i srɛfuɛ’n be liɛ’n.

Sɛ e klo kɛ dunman sɔ’n tru’n,

E bo i jasin fɛ’n.

Sran mun bé wá bó bé flɛ́ i,

Kpɛkun bé fíte nun.

3. Awlo’m be nun’n, e wɔ titi

E ko bo jasin fɛ’n.

Be sɔ nun o, b’a sɔman nun,

Sran kun súɛ i trɔ liɛ’n.

Zoova dunman’n m’ɔ o e su’n,

E di nanwlɛ kle be.

Awlo’m be nun’n e ko to be

Nga b’awlɛn ba’n ti kpa’n.