Maan e tu e klun e klo sran

1. Maan e sran klolɛ’n fin e klun,

Sran klolɛ’n ɔ bo i bo lɔ.

Ɔ maan e niaan mɔ e klo be’n

E nin be e nuan sɛ.

Aniaan klolɛ nga e klo be’n

É ɲán atin’n é yí i nglo,

E nian Zoova klun ufue su,

E kle kɛ e klo sran.

E klo sran e nzuɛn’n nun kpa,

E ti mianfuɛ i wun ɲanman nun,

Maan sa kwlaa nga e yo nun’n

Be wun kɛ e yo sran ye.

E kle kɛ e bu sran ngba sran,

Ye yolɛ’n káci e junman.

E niaan’m be fɔ’n, e kan truman.

É dí nanwlɛ cɛn kwlakwla,

Naan e bo’n ɔ mantan kpa.

2. Sɛ e sran klolɛ’n ti tankaan’n,

E su faman ya ndɛndɛ sa.

Afin e niaan mun be ngba’n

E lafi be su kpa.

E fa e niaan mun yo janvuɛ,

Be ngba be ndɛ ti e cinnjin.

E nin be yia aklunjuɛ nun,

I liɛ’n é ɲán fanngan.

E ngba e fɔn cɛn kwlakwla.

Ndɛ nga e kan’n i wie bo sran wla.

Ɔ maan Ɲanmiɛn i sran mun

E nin be e tran klanman.

E nin be ká janvuɛ titi,

E afiɛn’n ɔ́ mántan titi.

Maan sran klolɛ’n kaci e nzuɛn.

E yi Zoova i ayɛ,

E sɔnnzɔn i sran klolɛ’n.