AKPASUA 9

?Cɛn benin yɛ asiɛ’n káci mɛn klanman ɔn?

Afɛ ng’ɔ o sran’m be su’n kle kɛ Ɲanmiɛn Sielɛ’n su wa yi i wun nglo. Lik 21:10, 11; 2 Timote 3:1-5

Mɛn’n i awieliɛ blɛ nun sa mun—sika nun mma tolɛ, alɛ, tukpacɛ, awe, ba’m be ɲin yiman be si nin be nin, sran kpokokpoko yolɛ

Sa nga e wun be andɛ’n, Biblu’n dun mmua boli be nun sunman be jɔ. Ɔ kannin kɛ sran’m bé yó sika klofuɛ, yɛ ba’m be ɲin su yiman be si nin be nin mun, naan sran’m bé yó wlɛ, yɛ bé fá mɛn dilɛ’n cící be ti.

Ɔ kɛnnin i ekun kɛ asiɛ’n wá kéje, yɛ bé dí alɛ, naan awe’n wá kpɛ́n, naan tukpaciɛ mɔ be sa ndɛndɛ’n, bé trú lika’n nun. Ninnge sɔ mun yɛ e wun be andɛ kusu ɔ.

Zoova i Lalofuɛ kun su bo Ɲanmiɛn Sielɛ’n i jasin fɛ’n kle bian kun

Zezi seli ekun kɛ bé bó Ɲanmiɛn Sielɛ’n i jasin fɛ’n mɛn wunmuan’n nun.—Matie 24:14.

Ɲanmiɛn Sielɛ’n wá núnnún sa tɛtɛ’n kwlaa. 2 Piɛr 3:13

Be su nunnun klunwifuɛ mun armagedɔn’n nun yɛ b’a tu Satan nin i mmusu’m be fɔ

Ɔ cɛ kaan sa’n, Zoova wá núnnún klunwifuɛ mun.

Bé cí Satan nin i mmusu mun.

Zezi w’a trɛn i famiɛn bia’n su ɲanmiɛn su lɔ yɛ sran wafawafa kpanngban be su di aklunjuɛ

Be nga be tie ndɛ nga Ɲanmiɛn kan’n, bé fíte nun yɛ bé trán mɛn klanman’n nun. Mɛn sɔ’n nun’n, akluntitiɛ’n su tranman lɛ kun, sran’m bé láfi be wiengu su yɛ bé kló be wun.