Akpasua 1 i su fitilɛ

Biblu’n nun fluwa klikli’n kan wafa nga Ɲanmiɛn yili ninnge mun’n i ndɛ. Ɔ fa e ɲin sie i ninnge nglanman nga Zoova yili be nglo lɔ nin asiɛ’n su wa’n be su. Sɛ a le ba’n, ukɛ i naan ɔ wun kɛ ninnge nga Ɲanmiɛn yili be’n be sɔnnin, yɛ be yo ɲɛnmɛn. Kle i kɛ wafa nga Ɲanmiɛn yili klɔ sran mun’n ti’n, be nin nnɛn mun be timan kun mlɔnmlɔn. Afin klɔ sran’m be kwla ijɔ, be kwla bu akunndan, be kwla yi like, be kwla to jue, yɛ be kwla srɛ Ɲanmiɛn. Ukɛ i naan ɔ wun i wlɛ kɛ Zoova le tinmin, ɔ si ngwlɛlɛ. Ng’ɔ ti cinnjin’n, yɛle kɛ maan ɔ wun i wlɛ kɛ Zoova klo ninnge ng’ɔ yili be’n be kwlaa, yɛ ɔ klo e tinuntinun.