Akpasua 10 i su fitilɛ

Zoova ti famiɛn’m be kwlaa be Famiɛn. Like kwlaa ng’ɔ se kɛ ɔ́ yó’n, ɔ yo. Yɛ ɔ́ yó i sɔ tititi. I wie yɛle kɛ, kɛ be fali Zeremin be yili i gbo kun nun’n, ɔ deli i. Ɔ deli Sadraki nin Mesaki nin Abɛdnego sin dan kun nun, kpɛkun ɔ sasali Daniɛli. Ɔ maan asɔmɔli’m b’a kunmɛn i. Ɛstɛɛ kusu’n, Zoova ukɛli i maan ɔ deli i nvle’n nunfuɛ mun. Zoova su yaciman sa tɛ’n i lɛ sa trilili. Waka dan nga Daniɛli wunnin i’n, ɔ nin like wie m’ɔ ti kɛ waka sran sa’n be su ndɛ’n kle kɛ ɔ cɛ kan’n, Zoova i Sielɛ’n wá núnnún sa tɛ’n i kwlaa, kpɛkun ɔ́ síe asiɛ’n.