E nian e klun akunndan’n su

1. E nian e klun akunndan’n su,

E kpalo atin tɛ’n.

Ɲanmiɛn niannian e awlɛn’n nun

Ɔ wun e sran wafa’n.

Wie liɛ’n e awlɛn’n laka e,

Yɛ e fa atin tɛ.

I ti’n maan e nian e wun su

E fa Ɲanmiɛn Ndɛ’n su.

2. E fa e wun mantan Ɲanmiɛn.

E srɛ i tankaan kpa.

E lɛ i ase cɛn kwlakwla

E kle kɛ e si ye.

Like kwlaa nga Zoova kle e’n,

E tu e klun fa su.

E nin i e nanti titi

Naan i klun jɔ e wun.

3. E buman akunndan tɛtɛ,

E klo sa ng’ɔ ti kpa’n.

Maan Ɲanmiɛn Ndɛ’n wluwlu e wun,

Naan ɔ man e wunmiɛn.

Zoova klo i sufuɛ kpa mun.

E lafi su kpa sɔ.

É tú e klun sú i titi

Yɛ é yó i janvuɛ.