Maan e bo yo kun e di junman

1. Ɲanmiɛn fali e mɛn tɛ’n nun

Wlali i nvle’n nunfuɛ’m be nun.

E nuan sɛ yɛ e bo ti kun,

Ɔ maan e klun jɔ kpa.

E klo bo kun yolɛ’n,

Anuansɛ’n yo fɛ.

Ɲanmiɛn i junman’n sɔnnin kpa.

Ɔ fɛ i Wa’n kle e atin.

Maan e lo e wun naan e di

Junman’n i likawlɛ.

2. Sɛ e srɛ kɛ e bo yo kun,

Naan e yo aklunye titi’n,

E wun klolɛ’n yó dan trá laa’n,

Yɛ é wún e wun fɛ.

Fɔundi dilɛ’n yo fɛ,

Ɔ man aklunjuɛ.

Sɛ e klo e wun nanwlɛ su’n,

Ɲanmiɛn maan e bo ɔ́ yó kun.

Sɛ ɔ uka e’n, e nuan sɛ́,

Yɛ é sú i titi.