JUE 148
Zoova ti sran defuɛ
1. Zoova a kleli kɛ a ti Ɲanmiɛn Kpli.
Ɔ sa nuan ninnge mun
b’a yi nglo nin asiɛ’n.
Like kwlaa nga a yoli’n,
amuin fi kwlá yo’ɛ wunsu.
E kpɔfuɛ’m bé núnnún.
(I SU SƆLƐ)
Zoova ti i sufuɛ kpa’n i defuɛ.
I sufuɛ’m bé wún kɛ i tinmin’n le’a wunsu.
Yɛ yakpa su e su e Ɲanmiɛn’n, e kɛn i ndɛ.
Zoova mɔ ɔ ti e defuɛ’n é mɛ́nmɛ́n i.
2. Kannzɛ wie’n sin yia min kpa sɛ’n,
n kpan flɛ wɔ,
‘Zoova man min wunmiɛn,
ɔ wla min yakpa wie.’
K’a o ɔ tranwlɛ nun lɔ’n, a ti min nɛn’n.
‘Sasa min.
Min Si Ɲanmiɛn, de min.’
(I SU SƆLƐ)
Zoova ti i sufuɛ kpa’n i defuɛ.
I sufuɛ’m bé wún kɛ i tinmin’n le’a wunsu.
Yɛ yakpa su e su e Ɲanmiɛn’n, e kɛn i ndɛ.
Zoova mɔ ɔ ti e defuɛ’n é mɛ́nmɛ́n i.
3. Á mán ɔ nɛn’n su kpán kekle
ɲanmiɛn su lɔ.
Ɔ kpɔfuɛ’m bé úsu.
Ɔ sufuɛ’m be klun jɔ́.
A kaci sran’n i wafa kwlaa nga a klo’n,
Sran ngba wún
Wafa nga a de sran’n.
(I SU SƆLƐ)
Zoova ti i sufuɛ kpa’n i defuɛ.
I sufuɛ’m bé wún kɛ i tinmin’n le’a wunsu.
Yɛ yakpa su e su e Ɲanmiɛn’n, e kɛn i ndɛ.
Zoova mɔ ɔ ti e defuɛ’n é mɛ́nmɛ́n i.
(Nian Jue. 18:2, 3; 144:1, 2 nun wie.)