Be nga bé wá trɛ́n i bo’n be liɛ

ANIAAN NGA BE SƆ SRAN’M BE NUN’N Amun ukalɛ ti yɛ aniaan sɔ’m be o lɛ-ɔ. Loto’m be jranwlɛ’n, nin sran’m be sinwlɛ’n, nin tranwlɛ’m be falɛ’n, ɔ nin ninnge uflɛ wie’m be su ndɛ kwlaa nga bé kán klé amun’n, amun yaci, amun fa su.

BATƐMUN’N Be siesieli be nga bé wá yó be batɛmun’n, be bia liɛ cenje’n i ɲrun lɛ annzɛ lika uflɛ. Fue cɛn nglɛmun’n, ka naan b’a bo batɛmun yolɛ’n i su ijɔlɛ’n i bo’n maan be nga bé wá yó be batɛmun’n be ko tran lɔ. Ɔ fata kɛ sran kun fɛ i wunnzinnun liɛ, yɛ nán maan tralɛ ng’ɔ́ wlá’n, ɔ fɛ i wun kle.

BE KLUNKLO LIKE MANLƐ’N E boli kalɛ dan kpa naan y’a kwla ɲan bia mun nin miklo mun nin televiziɔn dandan mun ɔ nin ninnge uflɛ wie mun ekun naan aɲia’n i bo tranlɛ’n w’a yo fɛ. I sɔ’n uka e naan e nin Zoova e afiɛn w’a mantan kpa. Amun klunklo like nga amun man’n, bé fá tánnin kalɛ sɔ mun yɛ ɔ́ súan mɛn wunmuan’n nun junman nga e di’n, i bo. Sɛ amun waan amún mán like’n, be siesieli sika guawlɛ mun aɲia’n i yowlɛ’n nun. Annzɛ amun kwla kɔ ɛntɛnɛti adrɛsi donate.jw.org su ko man like lɔ. Amun klunklo like nga amun man’n, ɔ yo e fɛ kpa. Anuannzɛ’n i Ɲrun Dinfuɛ’m be waan bé yó amun mo nin like mɔ amun man fa suan Ɲanmiɛn Sielɛ’n i junman’n i bo’n.

ANIAAN NGA BE YO SRAN’M BE AYRE’N Nán amun wla fi su kɛ be nga sa ɲan be aɲia’n i bo wa’n be ngunmin cɛ yɛ aniaan sɔ’m bé nían be lika-ɔ.

NINNGE NGA BE MLINNIN’N BE SIEWLƐ’N Ninnge kwlaa nga be mlinnin mɔ amun wun be’n, amun fa be wɔ ninnge nga be mlinnin’n be siewlɛ’n nun lɔ. Sɛ kusu amun like wie mlinnin’n, amun wɔ lɔ. Ba kanngan nga be mlinnin’n, maan be fa be wɔ lika sɔ’n nun lɔ wie. Kɛ ɔ ko yo naan i sɔ sa’n w’a juman’n, é srɛ́ amun kpa kɛ amun nian amun mma’m be su kpa.

ASE TRANWLƐ’N É srɛ́ amun kpa kɛ an bu amun wiengu’m be akunndan. É kpɛ́n amun wla kɛ amun osufuɛ mun, nin be nga amun nin be fuli loto kunngba’n nun’n, nin be nga amun nin be o awlo kunngba’n nun’n, ɔ nin be nga amun kle be Biblu’n nun like dɔ nga su’n, be ngunmin cɛ yɛ amun kwla sie be tranwlɛ-ɔ. Amun yaci, nán amun fa like fi fa sie i bia nga amun su tranman su’n be su.

BE KLUNKLO JUNMAN DILƐ’N Sɛ amun klo kɛ amún dí aɲia’n i bo junman’n wie’n, an bo su kle aniaan nga be nian be klunklo junman dilɛ’n su’n.