A NIN SRAN BO YALƐ KOKOLƐ BO
LIKE SUANLƐ 4
Yo wun ase kanfuɛ
Ndɛ cinnjin’n: “An yo wun ase kanfuɛ naan an bu amun wiengu mun kɛ be ti kpa tra amun.”—Fip. 2:3.
Like nga Pɔlu yoli’n
1. Nian VIDEO’N, annzɛ kanngan Sa Nga Be Yoli’n 26:2, 3 nun. I sin’n, bu kosan nga’m be akunndan:
(1). ?Kɛ Pɔlu kán ndɛ klé Famiɛn Agripa’n wafa sɛ yɛ ɔ kleli kɛ ɔ ti wun ase kanfuɛ-ɔ?
(2). Kɛ Pɔlu kán ndɛ’n w’a faman sran’m be ɲin wá siemɛn i bɔbɔ su sanngɛ ɔ fali be ɲin sieli i Zoova nin i nuan ndɛ’n be su. ?Wafa sɛ yɛ ɔ yoli sɔ-ɔ?—Nian Sa Nga Be Yoli’n 26:22 nun.
?Ngue yɛ like nga Pɔlu yoli’n kle e-ɔ?
2. Kɛ e kan e wun ase e kan ndɛ’n amanniɛn su’n, i sɔ’n kwla yo maan sran’m be sie be su e nuan bo.
Sɔnnzɔn Pɔlu
3. Kan ndɛ’n aɲinyiɛ su. Kɛ á kán ndɛ klé sran mun’n nán yo kɛ a si like kwlaa naan be liɛ’n be siman like fi sa.
4. Yo maan sran’m be wun i wlɛ weiin kɛ ndɛ nga a kan’n fin Biblu’n. Biblu’n i nun ndɛ’n kwla wluwlu sran’m be wun. Kɛ e fa di junman’n e uka be naan be lafi Ɲanmiɛn su kpa.
5. Yo wɛtɛɛfuɛ titi. Nán se kɛ san fii á klé kɛ ɔ ndɛ yo fɛ. E kunndɛman kɛ e nin sran mun é sí akplowa. Yo wun ase kanfuɛ, yɛle kɛ tra ɔ awlɛn yɛ sɛ ɔ fata kɛ a wɔ’n kɔ. (Ɲan. 17:14; Tit. 3:2) Sɛ a kan ndɛ wɛtɛɛ su kle sran mun’n atrɛkpa’n, blɛ uflɛ nun’n bé síe be su ɔ bɔbɔ annzɛ sran uflɛ nuan bo.