Yo yakpafuɛ

Like nga Zezi yoli’n

VIDEO: Zezi mannin gbanflɛn aɲanbeunfuɛ kun i afɔtuɛ

1. Nian VIDEO’N, annzɛ kanngan Marki 10:17-22 nun. I sin’n, bu kosan nga’m be akunndan:

1. (1). ?Atrɛkpa’n, gbanflɛn aɲanbeunfuɛ’n i nzuɛn kpakpa benin mun yɛ Zezi sieli be nzɔliɛ-ɔ?

2. (2). ?Ngue ti yɛ ɔ fata kɛ Zezi klo sran yɛ ɔ yo yakpafuɛ naan w’a kwla man bian’n i afɔtuɛ-ɔ?

?Ngue yɛ like nga Zezi yoli’n kle e-ɔ?

2. Ɔ fata kɛ e kan ndɛ amanniɛn su e kle like suanfuɛ mun’n, sanngɛ kusu’n ɔ fata kɛ e fa be ɲin e sie i like trele nga be kwla yo naan be nin Zoova be afiɛn w’a mantan kpa’n su.

Sɔnnzɔn Zezi

3. Uka like suanfuɛ’n naan ɔ fa ninnge wie mun sie i ɲrun kɛ ɔ́ yó be, yɛ ukɛ i naan ɔ yia be nuan.

1. (1). Fa sran’n i ɲin sie i fluwa A kwla di aklunjɔɛ tititi’n! i bue ng’ɔ suan “Like ng’ɔ fata kɛ a yo’n” su.

2. (2). Uka like suanfuɛ’n naan ɔ wun ninnge trele ng’ɔ fata kɛ ɔ yo be naan w’a yia like ng’ɔ sunnzunnin kɛ ɔ́ yó’n i nuan’n.

3. (3). Like suanfuɛ’n i ɲin m’ɔ mian kɔ i ɲrun’n ti’n, yo i mo tikatika.

4. Fa like suanfuɛ’n i ɲin sie i ninnge nga be kwla tɛnndɛn i ɲrun’n be su yɛ ukɛ i naan ɔ jran be ɲrun kekle.

1. (1). Usa ɔ wun kɛ:

   • ‘?Ngue yɛ ɔ tanndan like suanfuɛ’n i ɲrun mɔ i ti yɛ lele nin andɛ’n be nin-a yomɛn i batɛmun-ɔn?’

   • ‘?Like trele benin yɛ n kwla yo n fa ukɛ i-ɔ?’

2. (2). Srɛ Ɲanmiɛn naan ɔ wla ɔ yakpa naan a nin like suanfuɛ’n be kan like ng’ɔ fata kɛ ɔ yo’n i ndɛ. Yɛ yo sɔ amanniɛn su.

5. Sɛ like suanfuɛ kun kɔmɛn i ɲrun’n yaci i like klelɛ.

1. (1). Sɛ a kunndɛ kɛ á wún kɛ like suanfuɛ’n kɔ i ɲrun’n, usa wun kɛ:

   • ‘?Ɔ nanti like ng’ɔ suan’n su?’

   • ‘?Ɔ tran aɲia’m be bo yɛ ɔ bo jasin fɛ’n kle i wiengu mun?’

   • ‘?Sɛ ɔ suan Biblu’n nun like w’a cɛ’n, ɔ kunndɛ kɛ ɔ́ káci Zoova i Lalofuɛ?’

2. (2). Sɛ like suanfuɛ’n kɔmɛn i ɲrun’n:

   • Se i kɛ ɔ bu like ng’ɔ tɛnndɛn i ɲrun’n i akunndan.

   • Yiyi like nga ti yɛ a su klemɛn i like kun’n nun kle i amanniɛn su.

   • Kle i like ng’ɔ kwla yo ka naan w’a kle i Biblu’n nun like ekun’n.