BIBLU’N I SU KOSAN’M BE SU TƐLƐ

?Ɲanmiɛn tie sran’m be kwlaa be srɛlɛ’n?

Ɲanmiɛn kpaman sran nun. Ɔ tie nvle kwlaa nunfuɛ’m be srɛlɛ’n. (Jue Mun 145:18, 19) Ɔ wla e fanngan Biblu’n m’ɔ ti i nuan ndɛ’n nun kɛ e kan e klun ndɛ kwlaa e kle i. (Filipfuɛ Mun 4:6, 7) Sanngɛ wafa nga sran wie’m be srɛ Ɲanmiɛn’n, ɔ yoman Ɲanmiɛn fɛ. Yɛle kɛ be suan ndɛ nga bé kán klé i’n. Kpɛkun kɛ bé srɛ́ i’n, be kan ndɛ sɔ’n be flan nun.​—An kanngan Matie 6:7 nun.

Be nga be ɲinfu be nantiman Zoova i mmla’m be su’n, Zoova tieman be srɛlɛ’n wie. (Nyanndra Mun 28:9) I sɔ yɛ ɔ yoli laa Izraɛlifuɛ mun ɔn. Blɛ wie nun’n, w’a siemɛn i su be srɛlɛ’m be bo kun, afin sran’m be mmoja ase gualɛ’n yɛ ɔ kacili be junman ɔn. I lɛ’n kle kɛ, sɛ sran kun waan Ɲanmiɛn tie i srɛlɛ’n, ɔ fata kɛ ɔ yo ninnge wie mun.​—An kanngan Ezai 1:15 nun.

?Ngue yɛ ɔ fata kɛ e yo naan sɛ e srɛ Ɲanmiɛn’n, w’a tie ɔ?

Sɛ e waan é srɛ́ Ɲanmiɛn naan ɔ tie’n, ɔ fata kɛ e lafi i su kpa. (Zak 1:5, 6) Ɔ fata kɛ e lafi su kpa kɛ ɔ o lɛ naan e ndɛ lo i. Sɛ e suan Biblu’n nun like’n, yɛ é láfi Ɲanmiɛn su kpa ɔ. Afin ndɛ kwlaa ng’ɔ o nun’n kle weiin kɛ Ɲanmiɛn o lɛ.​—An kanngan Ebre Mun 11:1, 6 nun.

Sɛ e srɛ Ɲanmiɛn naan gblɛ nunman nun naan e kan e wun ase’n, ɔ́ tíe e srɛlɛ’n wie. I sɔ yɛ Ɲanmiɛn i Wa Zezi yoli ɔ. I nun ng’ɔ o asiɛ’n su wa’n, kɛ ɔ́ srɛ́ Ɲanmiɛn’n, ɔ yoli wun ase kanfuɛ. (Lik 22:41, 42) Sɛ e ti wun ase kanfuɛ’n, e su mianman Ɲanmiɛn kɛ ɔ yo like nga ɔ yo e bɔbɔ e fɛ’n. Sanngɛ é kánngan Biblu’n nun naan y’a wun ninnge nga Ɲanmiɛn waan e yo be’n, be wlɛ. Ɔ maan kɛ é srɛ́’n, é srɛ́ like ng’ɔ ti i klun su’n.​—An kanngan 1 Zan 5:14 nun.

Sɛ amun kunndɛ kɛ amún sí nun ekun’n, an nian fluwa ng’ɔ o lɛ’n ?Ngue like yɛ Biblu’n kle i sakpasakpa ɔ? i ndɛ tre 17 nun. Zoova i Lalofuɛ mun yɛ be yili ɔ.

A kwla ko fɛ i ɛntɛnɛti lika nga nun lɔ: www.pr2711.com

[Foto, bue 32]

?Ngue ti yɛ Ɲanmiɛn siemɛn i su sran wie’m be srɛlɛ’n bo ɔ?