BIBLU’N I SU KOSAN’M BE SU TƐLƐ

?Zezi i wie’n i su ye benin yɛ é ɲɛ́n i ɔ?

Kɛ Ɲanmiɛn bó mɛn’n, w’a kunndɛman kɛ sran’m be tɔ tukpacɛ annzɛ be wu. Ɔ kunndɛli kɛ sran’m be tran asiɛ’n su anannganman. Sran klikli nga Ɲanmiɛn boli i’n, be flɛ i Adam. Kɛ ɔ́ kɔ́ i ɲrun’n, Adam wa yoli ɲin kekle Ɲanmiɛn su. Kɛ Adam yoli sɔ’n, w’a ɲanman anannganman nguan kun. Adam fali wie’n sali e kwlakwla. Afin ɔ ti e kwlakwla e si. (Rɔmfuɛ Mun 5:8, 12; 6:23) Sanngɛ kɛ ɔ ko yo naan y’a ɲan anannganman nguan ti’n, Ɲanmiɛn Kpli Zoova sunmɛnnin i Wa Zezi naan ɔ wu to e ti.​—An kanngan Zan 3:16 nun.

Zezi i wie’n ti, cɛn wie lele Ɲanmiɛn yáci e sa tɛ mun cɛ́ e. Kpɛkun é ɲán anannganman nguan. Blɛ sɔ nun’n, sran fi su yoman oke kun, yɛ sran fi su tɔman tukpacɛ kun. Wafa nga asiɛ’n i su tranlɛ’n wá yó fɛ’n, Biblu’n kɛn i ndɛ.​—An kanngan Ezai 25:8 nin 33:24 ɔ nin Sa Nglo Yilɛ 21:4, 5 nun.

?Ngue yɛ ɔ fata kɛ e yo e fa kle kɛ e wla kpɛn Zezi i wie’n su ɔ?

Nnɔsua kunngba nga bé wá kún Zezi’n, Zezi seli i sɔnnzɔnfuɛ mun kɛ maan be wla kpɛn i wie’n su. Kpɛkun, ɔ kleli be like nga kɛ bé wá yía’n, ɔ fata kɛ be yo’n. Aɲia sɔ’n timan cɛn dilɛ. Afuɛ kwlaa nun kɛ i blɛ ju’n, Zoova i Lalofuɛ’m be yia be yo like nga Zezi seli i sɔnnzɔnfuɛ mun kɛ be yo’n wie. Kɛ be yo sɔ’n, be wun i wlɛ kɛ Zezi nin Zoova be klo sran mun dan.​—An kanngan Lik 22:19, 20 nin 1 Zan 4:9, 10 nun.

Afuɛ 2014 nga nun’n, cɛn nga Zoova i Lalofuɛ’m bé yía be wla kpɛ́n Zezi i wie’n su’n, ɔ tɔ Kisie nnɔsua nun kɛ wia’n ko tɔ’n. Ɔ ti Avrili i le 14 su. E kunndɛ kɛ a tran aɲia sɔ’n i bo wie.​—An kanngan Rɔmfuɛ Mun 1:11, 12 nun.

Sɛ a kunndɛ kɛ á sí nun ekun’n, nian fluwa nga ?Ngue like yɛ Biblu’n kle i sakpasakpa ɔ? i ndɛ tre 4 nin 5 be nun. Zoova i Lalofuɛ mun yɛ be yili ɔ.

A kwla ko fɛ i ɛntɛnɛti lika nga nun lɔ: www.jw.org

[Foto, bue 32]

A kwla ko fɛ i ɛntɛnɛti lika nga nun lɔ: www.jw.org/bci