BIBLU’N I SU KOSAN’M BE SU TƐLƐ

?Wan yɛ ɔ sie mɛn’n niɔn?

Sran sunman be waan Ɲanmiɛn yɛ ɔ sie mɛn’n niɔn. Sanngɛ, ɔ kwlá yoman nanwlɛ. Afin, sɛ Ɲanmiɛn yɛ ɔ sie mɛn’n sakpa’n, nn ɲrɛnnɛn’n su tranman lɛ. (Mmla’n 32:4, 5) Ɲanmiɛn Ndɛ’n waan sran ng’ɔ sie mɛn nga’n, ɔ ti klunwifuɛ.​—An kanngan 1 Zan 5:19 nun.

?Ɔ yo sɛ yɛ klunwifuɛ yɛ ɔ sie mɛn’n niɔn? I sɔ’n fin mɛn’n i bobolɛ nun. Kɛ Ɲanmiɛn yili Adam nin Ɛvu’n, anzi’m be nun kun yoli ɲin kekle Ɲanmiɛn su. Kpɛkun ɔ yoli maan Adam nin Ɛvu be yoli ɲin kekle wie. (Bo Bolɛ 3:1-6) Adam nin Ɛvu be jrannin Satan i sin. Ɔ maan, Satan kacili be siefuɛ. Ɲanmiɛn mɔ like fi nunmɛn i sin’n, i ngunmin yɛ ɔ le atin sie mɛn’n niɔn. Sanngɛ, ɔ mianman sran mun kɛ be su i. Ɔ kunndɛ kɛ be su i klun ufue su. (Mmla’n 6:6; 30:16, 19) Sanngɛ, andɛ sran’m be dan lika be fa Adam nin Ɛvu be ajalɛ’n su.​—An kanngan Sa Nglo Yilɛ 12:9 nun.

?Wan yɛ ɔ́ yó sran’m be ye ɔ?

?Ɲanmiɛn yáci Satan lɛ naan ɔ sie mɛn’n trilili? Cɛcɛ. Afin i fanngan nun’n, Zezi wá núnnún sa tɛ nga Satan yoli be mun.​—An kanngan 1 Zan 3:8 nun.

Ɲanmiɛn maan Zezi wá núnkún Satan. (Rɔmfuɛ Mun 16:20) I sin’n, Ɲanmiɛn bɔbɔ wá síe sran mun. Blɛ sɔ’n nun’n, sran’m be kwlakwla be liɛ yó ye kɛ nga Ɲanmiɛn fa sunnzunnin’n sa.​—An kanngan Sa Nglo Yilɛ 21:3-5 nun.

Sɛ amun kunndɛ kɛ amún sí nun ekun’n, an nian fluwa ng’ɔ o lɛ’n ?Ngue like yɛ Biblu’n kle i sakpasakpa ɔ? i ndɛ tre 3 nun. Zoova i Lalofuɛ mun yɛ be yili ɔ.

A kwla ko fɛ i ɛntɛnɛti lika nga nun lɔ: www.jw.org