BIBLU’N I SU KOSAN’M BE SU TƐLƐ
?Ɲanmiɛn sulɛ wafa’m be ngba yɛ be yo Ɲanmiɛn i klun sa ɔ?
Kɛ é tíe mɛn’n nun nganniɛn mun’n, wie liɛ’n, be bo Ɲanmiɛn sulɛ wafa’m be dunman sa tɛ nga sran’m be yo’n nun. Nán Ɲanmiɛn sulɛ wafa ngba yɛ be yo Ɲanmiɛn klun sa ɔ. (Matie 7:15) I sɔ’n ti, sran sunman b’a mlin.—An kanngan 1 Zan 5:19 nun.
Ɔ nin i sɔ ngba’n, Ɲanmiɛn fɛ i ɲin sie sran kpa mɔ be klo ndɛ nanwlɛ’n, be su. (Zan 4:23) Dɔ nga su’n, Ɲanmiɛn maan be su uka sran kpa sɔ mun naan be si ndɛ nanwlɛ’n. Ndɛ nanwlɛ sɔ’n wo Biblu’n nun.—An kanngan 1 Timote 2:3-5 nun.
?Ngue yɛ be fa sie Ɲanmiɛn i sufuɛ kpa’m be nzɔliɛ ɔ?
Kɛ é sé yɛ’n, Ɲanmiɛn Zoova maan be su fa ndɛ nanwlɛ’n bé klé sran kpanngban kpa mɔ be fin Ɲanmiɛn sulɛ wafawafa’m be nun’n. Be kle be kɛ be klo be wiengu. Kpɛkun, be bo ti kun be su Zoova. (Mise 4:2, 3) Ɔ maan, like nga a kwla fa sie Ɲanmiɛn sulɛ wafa ng’ɔ yo Ɲanmiɛn kun sa’n i nzɔliɛ’n, yɛle wafa nga i nunfuɛ’m be nin be wiengu’m be tran’n.—An kanngan Zan 13:35 nun.
Ɲanmiɛn i sufuɛ kpa’m be lafi ndɛ ng’ɔ o Biblu’n nun’n su. Kpɛkun, be nanti su. (2 Timote 3:16) Asa ekun’n, be bo Ɲanmiɛn dunman fɛ. (Jue Mun 83:19) Kpɛkun, be kan kle sran mun kɛ Ɲanmiɛn i famiɛn diwlɛ’n i kunngba cɛ yɛ ɔ kwla yo sran’m be ye ɔ. (Daniɛl 2:44) Kɛ Zezi sa’n, be “yo kɛ kannin sa sran’m be nyrun.” Yɛle kɛ be yo be wiengu’m be ye. (Matie 5:16) Ɔ maan, like kun ekun nga a kwla fa sie Ɲanmiɛn i sufuɛ kpa’m be nzɔliɛ’n, yɛle Ɲanmiɛn i Sielɛ’n i ndɛ mɔ be kan kle sran mun awloawlo’m be nun’n.—An kanngan Matie 24:14, ɔ nin Sa Nga Be Yoli’n 5:42; 20:20 be nun.
Sɛ amun kunndɛ kɛ amún sí nun ekun’n, an nian fluwa ng’ɔ o lɛ’n ?Ngue like yɛ Biblu’n kle i sakpasakpa ɔ? i ndɛ tre 15 nun. Zoova i Lalofuɛ mun yɛ be yili ɔ.
A kwla ko fɛ i ɛntɛnɛti lika nga nun lɔ: www.jw.org
[Ndɛ kwle bue 32]
Sran wafawafa kwlaa be bo ti kun be su Ɲanmiɛn Zoova.—Jue Mun 133:1.