La Bible : une force dans votre vie

Biblu’n dunman nun’n, sran akpinngbin kpanngban be wlali be nzuɛn laa’n i ase naan b’a fa atin kpa’n su. ?Biblu’n nun mmla benin wie mun yɛ be kwla uka e naan y’a wun blɛ nga nun’n sa nga be tɔ e su’n, be trawlɛ ɔ? Sɛ an nian flimu nga be flɛ i kɛ La Bible : une force dans votre vie, amún wún kosan sɔ’n i su tɛlɛ. Flimu nsan nga be o DVD La Bible : un livre historique et prophétique i su’n, i nɲɔn su’n yɛ ɔ o lɛ. Kɛ amún wíe i nian’n, an nian sɛ an kwla tɛ kosan nga be lɔngɔ su yɛ’n be su o.

(1) ?Ngue ti yɛ e kwlá seman kɛ Biblu’n ti fluwa kun mɔ be boli be ɲin ase be klɛli i kpa sa ngbɛn ɔn? (Ebr. 4:12) (2) ?Sɛ Biblu’n kwla uka sran mun naan b’a wun be wun fɛ sakpa’n, ngue ti yɛ asiɛ sufuɛ’m be wun be ɲrun sɔ ɔ? (3) ?Biblu’n nun ndɛ’n bɔbɔ ba’n, yɛle benin? (4) ?Biblu’n nun ndɛ mma benin mun yɛ be boli be su mɔ be kwla uka yasua kun nin i yi’n naan (a) b’a si yalɛ koko kpa yɛ (b) b’a faman ya ndɛndɛ ɔ? (5) ?Wafa ng’ɔ ti mɔ Klistfuɛ kun nin i yi’n be tran’n, kɛ sran nin i yi’n be tran sɔ’n, wafa sɛ yɛ i sɔ’n yo maan be awlobo tranlɛ’n yo fɛ ɔ? (Efɛ. 5:28, 29) (6) ?Ajalɛ kpa benin yɛ Zoova kle siɛ nin niɛn mun ɔn? (Mark 1:9-11) (7) ?Wafa sɛ yɛ siɛ nin niɛn’m be kwla yo naan be awlo lɔ Biblu’n nun like suanlɛ’n w’a yo be kwlaa fɛ ɔ? (8) Ɔ fata kɛ siɛ nin niɛn’m be kle be mma’m be Biblu’n nun like. ?Sanngɛ ngue like yɛ Ɲanmiɛn Ndɛ’n waan be yo man be ekun ɔn? (9) ?Sɛ asamian o awlobo kun nun’n, wafa sɛ yɛ Biblu’n nun mmla’m be kwla uka be ɔ? (10) ?Biblu’n nun mmla benin mun yɛ be kan yɛinyɛin yolɛ, drɔgi nin nzan nɔnlɛ, yɛ be wla m’ɔ guaman ase’n be ndɛ, mɔ sɛ e di su’n, e su klɔklɔman tukpaciɛ ɔ? (11) ?Nda benin yɛ Biblu’n tali mɔ sɛ e lafi su’n, ɔ kwla suan e bo ɔ? (Zɔb 33:25; Jue. 145:16) (12) ?Wafa sɛ yɛ Ɲanmiɛn Ndɛ’n ukali amun naan amun nzuɛn’n w’a yo kpa w’a tra laa ɔ? (13) ?Wafa sɛ yɛ an kwla fa flimu nga be uka sran uflɛ ɔ?