?Cɛn dilɛ blɛ’m be nun’n, ngue yɛ e kwla fa ajalɛ kɛ é yó ɔ?

Mɛn’n nunfuɛ’m be cɛn dilɛ blɛ’m be nun’n, sran’m be dan lika kɔman junman. Ɔ maan sɛ e bo jasin fɛ’n blɛ sɔ’m be nun’n ɔ ti kpa. E jasin bowlɛ’n nun’n, atrɛkpa sran kpanngban su tinngeman ndɛ. I sɔ’n ti’n, ɔ fata kɛ asɔnun kpɛnngbɛn’m be bu i sɔ liɛ’n i akunndan ka naan b’a kle jasin bolɛ aɲia’n i dɔ’n. Sɛ be fali ajalɛ kɛ e bo jasin fɛ’n cɛn dilɛ blɛ wie nun’n, maan be bo su junman dilɛ aɲia’n i bo. Kpɛkun maan be wla aniaan’m be fanngan naan be suan ajalɛ sɔ’n i bo. Ɔ ti su kɛ e kusu e kunndɛ kɛ é ló wunmiɛn naan é yó ninnge kanngan wie mun. Sanngɛ sɛ e fa blɛ sɔ’n i bue e bo jasin fɛ’n, ɔ ti kpa. I liɛ’n, aklunjuɛ nga be nga be fa be wun wlɛ i Ɲanmiɛn junman’n i dilɛ nun’n be di’n, é dí wie.—Mat. 11:29, 30.