Ɲanmiɛn ng’ɔ la nglo lɔ plaii’n, nin asiɛ uflɛ’n be ti’n, sran’m be wun wá blíblí be

Nda nga Ɲanmiɛn tɛli i kɛ ɔ́ wá yó naan lika’n kaci klanman kɛ laa’n sa’n, m’ɔ o Ezai ndɛ tre 65 nun’n saan ɔ́ kpɛ́n su. I ti’n, kɛ Zoova kán ninnge sɔ’m be ndɛ’n, ɔ ti kɛ w’a dun mmua w’a yo be sa.

Zoova yi ɲanmiɛn ng’ɔ la nglo lɔ plaii’n, nin asiɛ’n be uflɛ. Lɔ’n, be boman laa sa’m be su be diman jɔlɛ kun

65:17

?Ngue yɛ be flɛ i ɲanmiɛn su lɔ uflɛ’n niɔn?

• Ɔ ti famiɛn dilɛ kun m’ɔ́ wá yó maan asiɛ sufuɛ’m be kwlaa be liɛ yo ye-ɔ.

• Afuɛ 1914 nun mɔ Ɲanmiɛn fali Klist yoli Ɲanmiɛn Sielɛ’n i su famiɛn’n, yɛ famiɛn diwlɛ sɔ’n ɔ takali-ɔ.

?Ngue yɛ be flɛ i asiɛ uflɛ’n niɔn?

• Sran mɔ be fin nvlenvle kwlaa nun, mɔ be kan aniɛn fanunfanun, yɛ be wunnɛn kplo’n timan kun mun-ɔn. Kpɛkun aklunjuɛ su’n, be lo be wun naan famiɛn diwlɛ uflɛ nga Ɲanmiɛn tɛkɛli i ɲanmiɛn su lɔ’n, ɔ sie be.

?Ngue ti yɛ be su boman laa sa’m be su be diman jɔlɛ kun-ɔn?

• Ninnge kɛ tukpacɛ, nin e akunndan m’ɔ sanngan’n, ɔ nin awlabɔɛ’n, mɛn uflɛ nun’n, e ɲin su kpɛnman be su kun.

• Be nga be suli Ɲanmiɛn kpa’n, bé dí mɛn’n i kpafuɛ’n. Yɛ kɛ aliɛ’n cɛ́n m’ɔ́ sán’n, be aklunjuɛ dilɛ’n su wieman le.