LIKE NGA KLISTFUƐ’M BE YO’N
?Anglo benin’m be nun yɛ n kwla yo cɛn kunngun atin bofuɛ ekun-ɔn?
Ɲanmiɛn i sua nga Ezekiɛli wunnin i aolia nun’n yi i nglo kɛ Zoova i sufuɛ’m be klunklo su bé mán Zoova i like. ?Wafa sɛ yɛ e tinuntinun e kwla manman Ɲanmiɛn e lɛ i ase-ɔ?—Eb 13:15, 16.
Like dan kpa kun mɔ e kwla yo’n, yɛle cɛn kunngun atin bolɛ junman’n i dilɛ. Ɲanmiɛn junman dilɛ afuɛ 2018 nun’n, anglo nga Fuɛ cɛn, nin Mɔnnɛn cɛn lele nnun be o be nun’n, be sɔnnin. I sɔ’n ti kpa dan man be nga mɔ be di junman blɛ kwlaa nun’n, mɔ Fue cɛn nin Mɔnnɛn cɛn yɛ blɛ sunman nun’n, be ɲan be ti be bo jasin fɛ’n. Asa ekun’n, Marsi nin Avrili anglo nun’n, ɔ nin anglo nga akpasua sunianfuɛ’n ba asɔnun’n i osu nianlɛ’n, jasin bofuɛ’m be kwla yo cɛn kunngun atin bofuɛ m’ɔ di dɔ 30 annzɛ 50. ?Yɛ sɛ e su sa’m be ti’n, e kwlá diman cɛn kunngun atin bolɛ junman’n nin? Sɛ ɔ ti sɔ’n, e kwla mian e ɲin e bo jasin fɛ’n i kpa tra laa’n, yɛ e kwla uka dɔ nga é fá yó i sɔ’n su bɔbɔ. Kannzɛ e su sa’n ti sɛ ti sɛ’n, klolɛ dan mɔ e klo Zoova ti’n, Ɲanmiɛn junman dilɛ afuɛ 2018 nun’n, maan e tu e klun e yo like kwlaa nga e kwla yo e man Zoova’n.—Oz 14:2, 3.
?Wafa sɛ yɛ n kwla su Ɲanmiɛn juejue su kɛ Sabina Ɛɛnandɛzi sa-ɔ?
AN NIAN VIDEO ZOOVA TI’N, BE FLƐ I KƐ N KWLA YO LIKE KWLAA. I SIN’N, AN TƐ KOSAN NGA’M BE SU:
?Ngue yɛ ɔ kannin Sabina i awlɛn naan w’a uka Zoova i junman ng’ɔ di’n su-ɔ?
?Kɛ a bu Sabina i akunndan’n, ngue yɛ a kunndɛ kɛ á yó-ɔ?
?Ɲanmiɛn junman dilɛ afuɛ 2018 nun’n, anglo benin’m be nun yɛ a kwla yo cɛn kunngun atin bofuɛ-ɔ?