Afɔtuɛ nga Zonasi fluwa’n i nun ndɛ’n man e’n

Zoova maan be kannin yasua nin bla wie mɔ be lafi i su’n be su ndɛ Biblu’n nun. Ɔ yoli sɔ naan ɔ́ klé e ninnge wie mun. (Rɔ 15:4) ?Afɔtuɛ benin yɛ Zonasi fluwa’n i nun ndɛ’n man e-ɔ? Nian video Awlobo Ɲanmiɛn sulɛ: Zoova sili Zonasi i aunnvuɛ, yɛ i sin’n tɛ kosan nga’m be su.

• ?Ngue yɛ ɔ yoli kekle mannin jasin bofuɛ nsan mun-ɔn?

• ?Sɛ be tuli e fɔ, annzɛ junman wie fili e sa asɔnun’n nun’n, wafa sɛ yɛ Zonasi i su ndɛ’n kwla wla e fanngan-ɔn? (1Sa 16:7; Zon 3:1, 2)

• ?Wafa sɛ yɛ Zonasi i su ndɛ’n kle kɛ ɔ fata kɛ e bu e jasin bowlɛ nunfuɛ’m be wun akunndan kpa-ɔ? (Zon 4:11; Mt 5:7)

• ?Sɛ tukpacɛ wie tin e su’n, wafa sɛ yɛ Zonasi i su ndɛ’n kwla wla e fanngan-ɔn? (Zon 2:1, 2, 7, 9)

• ?Wafa sɛ yɛ video nga kle kɛ Biblu’n nun kannganlɛ’n nin i su akunndan bulɛ’n ti cinnjin-ɔn?