Be su bo jasin fɛ Liberia lɔ klɔ nga be flɛ i Mɔnrovia’n i wun lɛ.

Wafa nga e nin sran mun e kwla koko yalɛ’n

●○○ KPƐ KLIKLI NGA A TO SRAN’N

Kosan: ?E kwla di Biblu’n nun ndɛ’n su andɛ?

Biblu’n nun ndɛ mma’n : 2Ti 3:16

Sran’n i osu nianlɛ kosan: ?Ngue ndɛ yɛ Biblu’n kan-ɔn?

○●○ SRAN’N I OSU NIANLƐ KLIKLI’N

Kosan: ?Ngue ndɛ yɛ Biblu’n kan-ɔn?

Biblu’n nun ndɛ mma’n: Mt 6:10

Sran’n i osu nianlɛ kosan: ?Ngue like yɛ Ɲanmiɛn Sielɛ’n wá yó-ɔ?

○○● SRAN’N I OSU NIANLƐ NƝƆN SU’N

Kosan: ?Ngue like yɛ Ɲanmiɛn Sielɛ’n wá yó-ɔ?

Biblu’n nun ndɛ mma’n: Da 2:44

Sran’n i osu nianlɛ kosan: ?I su ye benin yɛ asiɛ’n sufuɛ’m bé ɲɛ́n i-ɔ?

Kɛ ɔ fɛ i anglo nga nun’n, aɲia fluwa’n i bue klikli’n su’n, be su kleman e fluwa fanunfanun nsan mɔ é fá bó jasin fɛ-ɔ. Sanngɛ bé fá e ɲin síe i wafa nga e nin sran mun e kwla koko yalɛ’n i su. Yɛle kɛ bé klé e kosan kun mɔ é dún mmua fá úsa sran’n. I sin’n, é kánngan Biblu’n nun ndɛ mma kun nun yɛ é úsa sran’n i kosan kun mɔ é jrán su e ko niɛn i osu-ɔ. Lemɔcuɛ kun nun’n, é bó video kunngba cɛ m’ɔ́ klé e wafa nga e nin sran mun e kwla koko yalɛ’n. Jasin bofuɛ kun kwla fa e ninnge nga e fa kle sran’m be like’n, be nun kun nga i bɔbɔ klo’n man sran’n. Ɔ kwla fa mɛn i blɛ ng’ɔ klo’n nun. Ɔ kwla yo kpɛ klikli ng’ɔ to sran’n annzɛ blɛ ng’ɔ kɔ i osu nianlɛ’n. Asa ekun’n, aɲia fluwa’n nun’n, bé mán e akunndan naan y’a kwla ko nian sran kun i osu, naan y’a sa e sin y’a ko niɛn i osu ekun. I kwlaa sɔ’n wá úka e naan e ɲin w’a tran ‘be kwlaa nga be klo kɛ bé ɲán anannganman nguan’n’ be like klelɛ’n su.—Yo 13:48.

Suklu ba’m be junman’n: Maan suklu ba’m be nian wafa nga e nin sran mun e kwla koko yalɛ’n i su di be junman’n. Sɛ e man be junman’n i su afɔtuɛ uflɛ’n, be ko fa afɔtuɛ sɔ’n su be ko di be junman’n.