“Like nga Nyanmiɛn kan be bo nun’n...”

Kɛ ɔ ko yo naan sa ngbɛn wie ti’n, yasua kun nin i yi’n b’a yraman’n, Moizi Mmla’n waan yasua nga i waan ɔ́ yrɛ́ i yi’n, ɔ fata kɛ ɔ klɛ yralɛ fluwa mɛn i. Sanngɛ Zezi blɛ su’n, Zuifu’m be Ɲanmiɛn sulɛ wafa’m be su kpɛnngbɛn’m be ti’n, yasua kun nin yi be kwla jran sa ngba su be yra. (“bla ralɛ fluwa” m’ɔ o nwtsty Mr 10:4; “be yi ralɛ,” “be yi bo bla kunndɛlɛ” mɔ o nwtsty Mr 10:11) Zezi kleli kɛ Zoova i klun jɔ aja’n su naan Zoova bɔbɔ yɛ ɔ kpɛli aja’n i ba-ɔ. (Mark 10:2-12) Ɔ fata kɛ yasua kun nin i yi’n be kaci “sran wunmuan” naan be ka aja’n nun tititi. Matie kannin ndɛ kunngba’n wie. Yɛ ɔ kleli kɛ sa kunngba cenje nga i ti’n, yasua kun nin i yi’n be kwla yra’n, yɛle kɛ be nun kun “w’a kunndɛ [bla annzɛ] bian.”​—Mt 19:9.

Andɛ’n, sran kaka be buman aja’n kɛ Zezi fa bu i’n sa. Be bu i kɛ Farizifuɛ’m be fa buli i’n sa. Kɛ sa tɔ mɛn nunfuɛ’m be aja’n nun’n, be kpli be yra. Sanngɛ Klistfuɛ’m be liɛ’n, be faman aja’n i su nda nga be tali’n, be kanman ngowa kaan sa. I ti’n, be kplin be ɲin be fa Biblu’n nun ndɛ’m be siesie be afiɛn ndɛ mun. An nian video Klolɛ’n nin aɲinyiɛ’n be yo maan awlo nunfuɛ’m be afiɛn mantan. I sin’n, an tɛ kosan nga’m be su:

• 

  ?Wafa sɛ yɛ aja nun’n, a kwla nanti Nyanndra Mun 15:1 su-ɔ? ?Ngue ti yɛ i sɔ yolɛ’n ti cinnjin-ɔn?

• ?Wafa sɛ yɛ a kwla nanti Nyanndra Mun 19:11 su naan ndɛ w’a tɔman amun afiɛn-ɔn?

• ?Sɛ amun aja’n su wa saci’n, kɛ ɔ yo naan a usa ɔ kɛ, ‘?Ɔ fata kɛ e titi nun’n?’ kosan benin mun yɛ ɔ fata kɛ a fa usa ɔ wun-ɔn?

• ?Wafa sɛ yɛ Matie 7:12 i su nantilɛ’n, ɔ kwla uka wɔ naan w’a yo bian annzɛ bla kpa-ɔ?