?Sran ng’ɔ su Zezi su’n, ngue yɛ ɔ fata kɛ ɔ yo-ɔ?

9:62

Kɛ sran kun fá saru dí junman’n, kɛ ɔ ko yo naan atin nga saru su yi’n w’a yo trele’n, ɔ fataman kɛ ɔ niɛn i sin. I wafa kunngba’n, ɔ fataman kɛ Klistfuɛ’m be fa be ɲin sie mɛn nun ninnge nga be yacili be siɛn lɔ’n, be su.—Fil 3:13.

Kɛ sa’m be o e su’n, ɔ cɛman naan e wla w’a lo e laa nun. E wla kwla lo blɛ mɔ e nin a siman ndɛ nanwlɛ’n. Kɛ ɔ ko yo sɔ’n, blɛ sunman nun’n, e blɔ aklunjuɛ nga e dili’n kpɛkun e ɲin kpa sa nga be tɔli e su’n be su. Kɛ Izraɛlifuɛ’m be jaoli Ezipti lɔ’n, i sɔ yɛ be yoli-ɔ. (Ka 11:5, 6) Sɛ akunndan sɔ’m be ba e ti nun naan e kpaloman be’n, e konvi sɔ́ ninnge sɔ’m be yolɛ ekun. Nanwlɛ, ɔ flunman kɛ e bu ninnge nga Ɲanmiɛn yo man e andɛ’n be akunndan. Asa’n, ɔ flunman kɛ e ɲin tran aklunjuɛ nga Ɲanmiɛn Sielɛ’n ti’n é wá dí’n, i su.—2Ko 4:16-18.