“Sran’m be kwlaa be kan aniɛn kunngba”

11:1-4, 6-9

Zoova sanngannin be nga be ɲin yimɛn i’n be aniɛn’n Babɛli lɔ. Ɔ maan be bo sanndili. Andɛ’n, Zoova su yiayia sran kpanngban kpa mɔ be fin nvle-nvle kwlaa nun yɛ be ijɔ aniɛn wafa-wafa’n kwlaa’n. Yɛ ɔ́ yó maan “ndɛ tɛ su fin-man be nuan fite-man kun.” I liɛ’n bé ‘bo yó kun’ yɛ bé ‘sú i Anannganman.’ (So 3:9; Ngl 7:9) Kɛ be se kɛ ‘ndɛ tɛ su finman be nuan fiteman kun’n,’ yɛle kɛ sran’m bé sí Zoova i su ndɛ nanwlɛ’n nin ninnge ng’ɔ seli kɛ ɔ́ yó be’n mɔ be o Biblu’n nun’n.

Aniɛn uflɛ suanlɛ’n timan pɔpɔ. Afin ɔ fata kɛ e si wafa nga be kan aniɛn sɔ’n. Sanngɛ nɛ́n i ngba-ɔ. Ɔ fata kɛ e si wafa nga be nga be kan aniɛn sɔ’n be yo ninnge mun’n. I wafa kunngba’n kɛ e si ndɛ nanwlɛ’n, e akunndan bulɛ wafa’n kaci. (Rɔm 12:2) Ɔ fata kɛ e yo i sɔ titi, afin ɔ yo maan e bo yo kun.​—1Ko 1:10.